Ad Hoc Club (23) 鴨肝

Ad Hoc Club 返黎啦, 禾地抖暑抖左幾個月, 而家天氣轉涼, 可以多D時間入廚房了. 今次的題目係膠膠選擇既"鴨", 仙女一直都巧喜愛食鴨既, 之前亦有好多菜式用鴨胸去做, 今次就試下用法國鴨肝啦.

鴨肝前菜併盤

十年貓事慶生會

必必必必!  牛牛今年十歲啦!

連同其他十歲貓貓, 禾地係6月份既時間開左一個慶生會, 不單單為十歲貓貓慶祝, 亦找一個機會比呢堆已經相識相交相知多年既貓友聚一聚. 十年唔係一個短既時間, 老土D講, 希望大家友誼永固, 貓地身體安康.

Simple Dining ~ 肉醬多食

最近回歸廚房, 好耐無煮過野食, 有D生疏左既感覺...好喇, 煮D 簡單野熱身熱身啦. 煮左一個肉醬 (都係洋蔥, 牛肉, 豬肉, 蕃茄, 茄膏, Chilies 同 Herbs)

有無限可能, 配咩都可以, 例如一袋芝士味栗米片, + 肉醬 + sour cream, 已經係超級好味

日本高山, 立山黑部 2014

 好耐無寫blog了, 不單單無寫,直頭係好少逛自己和朋友既blog. 因為仙女係過去既2個月幫手做了一個項目, 好忙吓呢. 而家攪掂哂啦, 可以回歸平常既生活了, 嘻嘻.  係呢個blog禾想補返呢段期間發生過既生活片段, 將會慢慢寫回去了日本富山+立山既trip, 同埋台南台北之旅. 當然不少得煮食紀錄和朋友聚會等等啦. 禾唔知道仲有矛人黎睇禾既blog丫, 不過都想記錄下來讓自己留念呢.

日本富山-立山黑部 (5月)

仙女一直都想去立山黑部, 想左幾年啦, 對於佢著名的景點 - 雪之大谷有莫大的興趣. 今次禾地係參加Yokosu (日本深度遊俱樂部) 的 2日1夜local tour, 由東京新宿出發去富山, 飛驒高山, 白川鄉同立山黑部玩呢. 

Ad Hoc Club (22) Caesar Salad

夏天日日超過30度, 仙女最喜歡食沙律, 好多人會覺得沙律即係食菜, 會唔飽, 只可以當作開胃菜/前盤. 不過其實一盤搭配得宜食材醬汁既沙律係好正好好味既. 一方面保持蔬菜的清脆口感, 但又可以另醬汁入味, 配不同果仁, 水果, 肉類, 海鮮, pasta就可以有各樣變化, 不跟食譜只係清理雪櫃亦得, 最啱大家用黎發揮個人創意, 做出自己喜歡既口味, 仙女每星期總有2-3日係食各式各樣沙律作為正餐架, 健康得黎又滿足.

有一款沙律大家外出用餐一定會點過, 就係Caesar Salad, 不論係配雞, 蝦定淨菜, 都係咁好味, 一盤沙律很多時間都賣$120-150, 不過其實可以自己做架, 只要識得打個dressing, 可以係屋企做出超水準既Caesar Salad呢.

Ad Hoc Club (21) 越式魚片酸湯

仙女唔鐘意食魚, 主要係怕骨+怕腥, 今次既題目係”魚” 禾都用心想左好耐有咩可以做, 最後參考左”香港餐飲業食譜系列”, 煮左一味酸辣魚湯, 用左上次炆腩排剩下的酸子,搭配菠蘿, 湯頭酸甜味濃, 配鯇魚片都唔覺得腥, 禾食哂一大碗呢!

Ad Hoc Club (20) 粒粒脆多士

遲大到的Ad Hoc Club 功課, 真係唔好意思呢. 今次的題目係"麵包" , 仙女馬上就想起粒粒多士了, 又易整又好味, 係肥左D囉~~

Ah Hoc Club (19) 銀蝦XO醬酸子炆腩排

今次Ad Hoc Club 題目係”豬”, 可能性太多太多啦, 1516咩都想煮, 最終攪到遅左出PO呢 :P

花旗參玉竹螺頭湯

花旗參玉竹螺頭湯

<益氣生津, 滋陰清熱>

Ad Hoc Club (18) 黑松露醬焗黃油春雞

今期Ad Hoc Club (18) 主題係”雞”, 等左好耐終於有肉食啦 J

<黑松露醬焗黃油春雞>

Ad Hoc Club (17) Crispy Potato Waffle

今次題目係"薯仔", 本身想番兜Creamy Potato Salad from Yumi (食譜) 不過好似好懶咁, 都係煮個新菜式先得. 

Ad Hoc Club (17) Crispy Potato Waffle

交功課 : Passion fruit Cake Roll with Hazelnut Cream

交功課啦~  今日仙女第一次試整蛋卷, 味道就係上堂學既Passion Fruit + Lime Cake with Hazelnut Cream. 過程有D甩睩, 幸好制成品入口好味, 禾會再接再厲架. 更詳細做法/貼士請去膠B度睇  J

螺頭雪耳紅棗豬展雪梨湯

螺頭雪耳紅棗豬展雪梨湯

超級清甜又潤既湯水, 買件令D帶"根"的豬展, 煲完湯都好淋好好食架. 

膠膠捉住手仔教蛋卷

全部起源係佢..一隻玫瑰粉紅色長方形焗盤, 顏色美麗之餘仲有"直角", 天生就係用黎焗蛋卷既. 
(source from BREADLEAF@taobao) 

Ad Hoc (16) 鵝油香蔥拌麵

今期的題目係”粉麵” ,繼承上次的”米飯”, 真係粥粉麵飯四大發明齊哂腳, 大家唔怕餓親喇  XDDDD

  

Ad Hoc Club (16) 鵝油香蔥拌麵

Envy from United States

年前推介過Envy蘋果  , 又爽又甜, 係紐西蘭的出品. 日前係超市又見到Envy, 不過轉左係美國貨, 價錢加左好多, 要$13.9一隻, 仙女赤住咁買2隻試下. 

XO醬單骨雞翼

都係清雪櫃...有半樽Rachel's Kitchen既XO醬, 放左一段日子了, 正諗緊點去消滅佢既時候, 剛好同友人去左Greghouse Cafe食晚飯, 亦點左有名既單骨雞翼. 一於照辦煮碗啦~~

廣島蠔湯

又係清雪櫃的日子, freezer有好多廣島蠔未食, 唔想太複雜太多功夫, 一於打個蠔湯啦

Milano Series

唉丫, 前2日開左個放賣區 "仙女轉會Page", 一件野都未放上去, 已經開始轉會啦, 死得. 

Ad Hoc Club (15) 瑤柱海膽炒飯

粥粉麵飯係中國四大發明 J  仙女雖然未至於每餐都要有”米”落肚, 但只要幾日矛食就心思思想湊湊米氣呢.  今期Ad Hoc Club 題目係”米”, 禾想分享炒飯的做法.

仙女轉會區 Facebook Pages

今日, 開左個Facebook Page, 主要係散貨用, 因為自己同身邊朋友們都有太多太多餐具了, 實在要清咁D, 懶得係Yahoo逐件放, 就試下開個散貨園地, 幫自己同朋友開下倉. 個Page係公開既, 有興趣的朋友請去望下

仙女轉會區
https://www.facebook.com/fairycookery/info
email : fairy_ha@ymail.com

- 出售 Le Creuset 和 其他牌子的餐具, 廚房用品等

- 貨品來源係仙女+仙女朋友, 100%正貨, 絕不含淘寶貨

- 出售原因係"買多左", "擺係度", "用唔哂", "排左搶左但矛需要"...等等, 可歌可泣

- 貨品會列明新舊程度, 購買地點, 放賣價...等等

- 交收集中星期一至五晚上九龍灣港鐵站

- 請不要議價, 仙女+身邊朋友都不急於散貨, 亦唔等錢洗 

多謝捧場

螺頭淮杞鱷魚肉燉湯

一直巧喜歡螺頭煲湯的味道, 又鮮又甜, 仲巧滋陰, 有清熱去濕功效, 可治療陰虛內熱同乾咳, 最適合虛不受補或體質較弱的人.

螺頭淮杞鱷魚肉燉湯

香草啤酒脆皮豬手

    香草啤酒脆皮豬手 

    係超市大特價買左一隻急凍咸豬手, 上網搵左呢個食譜, 試整脆皮豬手, 效果不錯有75分, 豬皮夠脆, 但肉部份麥啤味道不夠, 建議可以加重份量至4罐 (2.5罐前期炆, 1.5罐後期醃+入爐). 另外要用豬乂吉多D才更為入味

Ad Hoc Club (14) 朱古力伯爵紅茶煙燻銀鱈魚

 “朱古力” 巧多人都鐘意食, 仙女都唔例外.  禾怕甜, 只喜歡黑朱古力,  亦喜歡有果仁或酒心既,  一顆顆小巧精緻, 食完開心哂.  甜品方面,  如果全部用上朱古力對禾就太甜太膩了, 很喜歡配搭上”莓莓”類別既餅食,  酸酸甜甜夾得好完美, Yummy!

今次Ad Hoc Club功課係Yumi  出的題目, 坦白講甜品禾係好難有心得同大家分享, 只怕要撞幾次板先有D野可以上檯 L     所以, 朱古力都係要入膳先得 xddddd   食譜書睇左一大堆, 食譜網亦逛了不少,  用上朱古力的菜式很少見, 唯一比較近磅既係 “Food Network.com” 見到既烤牛柳配上一個以紅酒+朱古力+Rosemary既sauce.  但係呢個組合感覺上好難食出任何朱古力味道 (紅酒應該蓋過哂, Rosemary亦係搶味既香料)

胡思亂想之下, 想起一次係”呀信屋” 買過一罐 “朱古力紅茶” 飲品, 係日本Aishi下面Fauchon的出品, 味道出奇的討好+舒服, 係淡淡的紅茶配上朱古力味, 二者之間誰亦搶不了誰.  所以今次Ad Hoc Club 就係仙女的實驗室, 以”朱古力+紅茶” 整D野 wakakakaaaa, 百分之一百原創架.