Monday, March 9, 2015

政協林建岳於兩會提案, 香港要加強國家教育

林建岳想重新起動"國民教育"? 今次係由幼兒園開始, 到所有
Media都有所企圖喎...會會個心紅左雄左D呢??

(1) 國家教育是一個系統工程 (=必修科) 要中小學開始全面
認識國家各大成就,正確理解香港憲制地位,對國民身份的認
同感及國家意識。

(2) 學校成立國旗隊 (屌你, 日日玩升旗+唱國歌) 培養升旗手
去金紫荊廣場及其他政府場地負責升國旗

(3) 從幼兒園起,全面普及用普通話教學 (大家仲請賓賓? 快
D去東莞搵件奶媽啦, 有SO)

(4) 教師 (在大專院校開設相關課程,加入國家教育元素)

(5) 通過電影、電視劇、宣傳片、網站等,培養學生對國家的
自豪感,加強社會教育,擴大愛國氛圍。

Monday, March 2, 2015

黃絲大仙


Blog停左近半年, 係因為仙女已經全身全心離開煮食了. 識我既朋友都知道我係絕對的黃絲, 經歷左去年的雨傘運動, 好老土咁講真係已經回不去了”. 

我手無捉雞之力, 跑又氣喘心跳, 勇武野禾幫唔到手, 只能點點滴滴係文宣上幫手, 做自己覺得正確的事. 如果仲有朋友睇到呢個BLOG, 咁就會見到仙女分享對不同時事的睇法呢.

Wednesday, October 1, 2014

Ad Hoc Club (23) 鴨肝

Ad Hoc Club 返黎啦, 禾地抖暑抖左幾個月, 而家天氣轉涼, 可以多D時間入廚房了. 今次的題目係膠膠選擇既"", 仙女一直都巧喜愛食鴨既, 之前亦有好多菜式用鴨胸去做, 今次就試下用法國鴨肝啦.

鴨肝前菜併盤

Monday, September 15, 2014

十年貓事慶生會

必必必必!  牛牛今年十歲啦!

連同其他十歲貓貓, 禾地係6月份既時間開左一個慶生會, 不單單為十歲貓貓慶祝, 亦找一個機會比呢堆已經相識相交相知多年既貓友聚一聚. 十年唔係一個短既時間, 老土D講, 希望大家友誼永固, 貓地身體安康.

Saturday, September 13, 2014

Simple Dining ~ 肉醬多食

最近回歸廚房, 好耐無煮過野食, 有D生疏左既感覺...好喇, 煮D 簡單野熱身熱身啦. 煮左一個肉醬 (都係洋蔥, 牛肉, 豬肉, 蕃茄, 茄膏, Chilies 同 Herbs)

有無限可能, 配咩都可以, 例如一袋芝士味栗米片, + 肉醬 + sour cream, 已經係超級好味

Friday, September 12, 2014

日本高山, 立山黑部 2014

 好耐無寫blog, 不單單無寫,直頭係好少逛自己朋友既blog. 因為仙女係過去既2個月幫手做了一個項目, 好忙吓呢. 而家攪掂哂啦, 可以回歸平常既生活了, 嘻嘻 係呢個blog想補返呢段期間發生過既生活片段, 將會慢慢寫回去了日本富山+立山既trip, 同埋台南台北之旅. 當然不少得煮食紀錄朋友聚會等等啦. 禾唔知道仲有矛人黎睇禾既blog, 不過都想記錄下來讓自己留念呢.

日本富山-立山黑部 (5)
仙女一直都想去立山黑部, 想左幾年啦, 對於佢著名的景 - 雪之大谷有莫大的興趣今次禾地係參加Yokosu (日本深度遊俱樂部) 21local tour, 由東京新宿出發去富山, 高山, 白川鄉同立山黑部玩呢



Wednesday, July 2, 2014

Ad Hoc Club (22) Caesar Salad

夏天日日超過30, 仙女最喜歡食沙律, 好多人會覺得沙律即係食菜, 會唔飽, 只可以當作開胃菜/前盤. 不過其實一盤搭配得宜食材醬汁既沙律係好正好好味既. 一方面保持蔬菜的清脆口感, 但又可以另醬汁入味, 配不同果仁, 水果, 肉類, 海鮮, pasta就可以有各樣變化, 不跟食譜只係清理雪櫃亦得, 最啱大家用黎發揮個人創意, 做出自己喜歡既口味, 仙女每星期總有2-3日係食各式各樣沙律作為正餐架, 健康得黎又滿足.

有一款沙律大家外出用餐一定會點過, 就係Caesar Salad, 不論係配雞, 蝦定淨菜, 都係咁好味, 一盤沙律很多時間都賣$120-150, 不過其實可以自己做架, 只要識得打個dressing, 可以係屋企做出超水準既Caesar Salad.



Sunday, June 15, 2014

Ad Hoc Club (21) 越式魚片酸湯

仙女唔鐘意食魚, 主要係怕骨+怕腥, 今次既題目係禾都用心想左好耐有咩可以做, 最後參考左香港餐飲業食譜系列”, 煮左一味酸辣魚湯, 用左上次炆腩排剩下的酸子,搭配菠蘿, 湯頭酸甜味濃, 配鯇魚片都唔覺得腥, 禾食哂一大碗呢!


Sunday, May 25, 2014

Ad Hoc Club (20) 粒粒脆多士

遲大到的Ad Hoc Club 功課, 真係唔好意思呢. 今次的題目係"麵包" , 仙女馬上就想起粒粒多士了, 又易整又好味, 係肥左D囉~~




Thursday, May 1, 2014

Ah Hoc Club (19) 銀蝦XO醬酸子炆腩排

今次Ad Hoc Club 題目係”, 可能性太多太多啦, 1516咩都想煮, 最終攪到遅左出PO :P