Monday, April 8, 2013

你離開了卻散落四周







哥哥張國榮已經離開了十年, 十年前起4月1日就不再係開心既兒童節, 對禾黎講絕對係一個極度傷心既日子, 十年過去每次憶起都一樣流淚.

細細個既時候, 喜歡Leslie坦白講就係鐘意佢超級令仔, 唱歌好聽, 記得學生時代有一次係PEPSI sponsor 演唱會....禾飲足成個月百事去掀蓋掩儲海報....唔知有幾多人都有呢個回憶呢. 大學階段掛住拍拖, 記得果時哥哥舉行"紅"演唱會, 禾只睇得2場, 唔開心左好耐.

廿幾歲出來做野, 剛好係哥哥暫休唱歌, 集中拍戲既時期, 當中幾年禾都以為自己已經"MEET"甩左呢D 小fans既心態....電影當然會去捧場, CD & DVD亦一定會買....不過已經唔會再儲剪報明星相果D了. 而家諗起...當中呢幾年真係MISS左好多野呢.

2003年全香港都因為SARS憂心之際, 再聽到哥哥走左既消息, 果一年既氣氛真係好差好差, 仲記得媽咪問禾...如果佢走左, 禾會會一樣咁傷心....禾真係唔識答呢.

從各式各樣既回憶/紀念中, 知道Leslie係一個台上台下好唔同既人, 台上既佢光明四射, 又串又型, 好似所有野都係順手沾來好輕鬆咁....台下既佢原來係好勤力, 好humble, 對每一個階層既人都好nice, 好肯教人幫人. 佢走左之後, 禾先發覺自己一直沈迷既偶像原來"入面"係更為動人......身邊所有人記住既都係佢既好, 佢既真....唐唐更加叫人噴淚, 痴心情長 (See...哥哥幾有眼光)  祝佢生活順利事事順心身體健康, 會唔會另外搵一個伴...禾相信真係leslie既fans都唔會多管閒事, 最重要係唐唐開心就夠了.

十年過去, 人成熟了, 經歷多左, 見既人遇到既事都多左, 心態的確會漸漸矛奈漸漸麻木. 幸好每一年既4月都有哥哥既紀念活動, 提醒自己曾經有一個咁真, 咁NICE, 有大愛既人出現過, 每年禾都有機會提醒自己要對人好D, 要對人真D, 要儘量包容D....呢D要求對自己真係唔易, 因為禾係一個好急好矛耐性既人, 禾唯有儘量做好D架啦.

咁多年以來, 每年出咩DVD, 書本果D 禾都一定會買, 那怕屋企已經有10隻CD有同一首歌....今年見報導話陳太掠水2千萬, 哈...真係笑死人...佢肯掠就好啦, 快快出哥哥自傳哥哥秘傳哥哥寫真...fans真係多多都會買... d 記者都矛腦, up得就up. 

紀念書藉當中有幾本書禾自己好鐘意既, 睇完真係可以對Leslie既音樂歷程同拍電影心路有更清楚既了解.

音樂方面, 呢一本張國榮/音樂人生有Leslie出道入行到最後一張crossover黃耀明唱片都有講, 大部份係身邊工作伙伴既回憶.
2013年3月27日Red Mission出版, 每售出1本,將捐出HK$20予「兒童癌病基金」



電影方面, 坊間有好多什麼大學研討會之後出既書, 好多都"神化"左成件事, 當然Leslie愛做戲識做戲, 不過唔會每一套都咁多心路歷程, 又水仙花又物咁, 太肉麻了. 禾自己覺得下面呢一套就已經好全面, 好多"客串"既MOVIE都有紀錄. 迄今為止最詳盡的張國榮電影百科全書,詳盡資料包括:票房紀錄、故事大綱、台前幕後製作人員名單、劇照、報章廣告、海報、電影評論、拍攝花絮、昔日之導演/演員/幕後工作人員之專訪記錄。

《張國榮的電影世界》共3本2005年4月-2007年4月出版, 大部份取材自電影雙周刊 


希望大家都會鐘意呢D書, 唔係leslie fans 既而家開始都未遲, 你會發覺佢真係一個寶藏呢.
******************************************************

Leslie, 相信你而家係一個矛病痛的空間, 舒服安心咁過.

Miss you much!



5 comments:

  1. The three of us love gor gor a lot! Really miss him and think that he is 無可取替!
    [版主回覆04/13/2013 00:07:58]矛架啦, 禾地疊埋心水愛哥哥到老到死吧.

    ReplyDelete
  2. 唉, 近排狂睇哥哥以前的訪問, 越睇越懷念, 哥哥真係不單只得個樣, 人又好到不得了, 我們能在他最好的時候喜歡過他,我覺得是我們的運氣. 我都好慶幸曾經如此喜歡這麽的一個人!!!

    近期不斷聼他的歌, 才發覺他真的無可取替!!!現在的所謂歌手真的不知所謂!!!
    [版主回覆04/13/2013 00:07:21]果d 紀念concert一路聽一路爆粗...

    ReplyDelete
  3. 我由小學鍾意佢到大, 可惜佢退休時我得五六年班太細無得睇佢告別演唱會。呢排睇好多舊片段, 真係越睇越唔捨得。我都好幸運可以睇到佢當年最正時候嘅演出, 如果我出世遲多幾年, 會miss 晒佢退休前嘅精彩片段, 我諗我會好遺憾。
    [版主回覆04/13/2013 00:06:53]係丫, 十年過去, 邊度搵一個similar level既人丫.....有佢咁令仔矛咁好歌喉...識得唱歌又唔曉做戲...仲要咁好人, 去邊到搵???

    ReplyDelete
  4. miss u much Leslie
    [版主回覆04/13/2013 00:05:06]stand up 禾買哂3隻色....果時要儲錢分2個月買....crazy
    [11R回覆04/12/2013 11:23:13]我都有好多回憶,例如將poster貼滿睡房,放學同家姐去買唱片,仲記得"為你鍾情"果張買左白色特别版...好多好多事好似只係昨日發生...

    ReplyDelete
  5. 我都好鐘意Leslie㗎
    [版主回覆04/13/2013 00:04:07]哥哥大部份相由2x歲去到4x歲都咁令仔.

    ReplyDelete