Tuesday, September 7, 2010

上海之旅 (AUG 2010 三) 七寶古鎮, 世博第二日

呢個團日日都係9:30集合既, 第一件事緊係醫肚啦, GOGOGO食早餐~  係酒店行去地鐵方向有好多食店, 不如就試下"德興"傳統既飽點面食做早餐啦.



超平, 4個人50蚊有找....結論係: 打咩, 無下次, 禾地係唔會浪費珍貴既胃容量去裝呢間德興飽點面食既.
~~~~~~~~~~~~~~~~~~~~~~~~~~~~~~~~~~~~~~~~~~~~~~
今日既行程原本係"南京步行街" + "EXPO" 既, 不過Mulin想帶禾地去一個旅遊點 "七寶古鎮", 好多謝好開心有機會遊覽呢個女痕書都矛既景點呢~~

車程要30分鐘, 路程都遠遠地, 去到就見到一個古色古鄉既建築+街道, 小橋流水, 大家詩意大發, Chris 一直想換"古裝"扮華文 (Danny話自己係華安不過矛人理過佢...), 禾係秋香亦有時變身做華夫人, cherry係矛禾地咁好氣既....

亦因為咁, 禾改左一個花名比Chris...就係"皇上", 因為佢一直嘈住想去租古裝影相丫, helppppppp









禾覺得爸爸今日好似著左一件老底咁.....好麻甩丫....


除了古色古香之外, 仲有好多街頭小食, 係短短既3小時, 食左十幾籠小籠包+湯圓+新鮮菱角+嘆茶, 捧住個肚走呢~~

十幾籠小籠包 --> 明明Mulin係門口話 "一人食2粒好喇, 仲有好多野要食架"...唔知點解入左去...就變左一人一籠十粒...禾巧驚丫...最後禾只食得落4粒, 其他都係人地食既XDDD

粒湯圓成隻"柑" 咁大, 一人一粒都可以當一餐飯, 禾...好衰咁咬開小小個湯圓皮, 啜左入面既芝麻就算XDDD

希望禾地既膠化, 矛嚇親人啦

新鮮菱角...未見過亦未食過...好難MEET個殼, 禾咬到成口泥都咬唔到...最後係爸爸meet既, 不過佢唔知隻菱角比禾咬過囉XDDD, 質地似粉粉地既馬蹄, 好清甜, 禾好想食多幾隻, 不過太難meet啦, 只係食左2隻就放棄

行行下又落雨, 入左一間嘆茶既地方休息+避雨, 巧精緻, 巧古典, 亦都巧舒服呀


BYE BYE 七寶古鎮, 下次有機會再探你啦
~~~~~~~~~~~~~~~~~~~~~~~~~

去完七寶古鎮, 禾地又去EXPO了, 四條友一定係打的啦, 亦係大家訓覺既時間, 不過呢程車有一個小意外...就係架的士行到一個路口位同架大巴士有火花擦出, 巧驚驚丫, 禾地落車之後唯有搶另一架車去目的地啦 "浦西園區既EXPO"~~

浦西主要係"企業館" 如可口可樂, 中國鋼鐵之類, 地方好大所以感覺比浦東人少, 可惜全部企業館都要排隊入, 郁下都要排3-5個鐘....行左一陣, 決定都係坐船過番浦東, 行埋未去既歐洲館吧!

今日都好成功, 行歐洲區, 非洲區加加埋埋入左10個館, 仲係黃昏時睇左一個"雲南館"既巡行呢.

尋日食晚飯既西班牙館 (路過), 浦東d人多到驚~~~

波蘭館, 入面個天花好令令





法國館, 我個人係2日之中自己最喜歡既一個館, 出面有一個花園, 建築物入面既picture wall就介紹法國既文化, 美食, 地理, 時裝咁, 好好睇



行到尾, 有一個個"筒"比人捐入去唔知做物 xddd



立陶宛館

一入去有呢件野...都唔知係咩, 影左就算....不久就見其他人企上個圓形野度玩, 左右搖


睇完呢個館大概5:45分....行行下發覺有一條路封住左....原來有巡禮睇呢!!  (續..)













2 comments:

  1. 企喺姚明隔離, 原來爸爸真係咁" 高 "架
    [版主回覆09/10/2010 01:36:00]好彩佢2個都唔曉黎禾個blog睇~

    ReplyDelete
  2. 我都覺我無乜自己的相丫! 你都比返隻cd我啦!
    [版主回覆09/10/2010 01:37:00]sure la

    ReplyDelete