台灣之旅 台北篇(上)

5月31號旁晚到台北, check in , 馬上又出發去掃街, 士林夜市, 我地黎啦~

6月1號 (天天天睛)
今日原本plan去淡水+西門町....今次willy老板好精叻, 自己去睇IT EXPO~  所以我地4女1男食完早先之後就出發去淡水, 想睇下淡水碼頭+坐船....點知....嘩, 淡水, 好好好多野買, 好好好多手信店舖, 個個都買到要唱錢丫

有睇過我既北海渡油雞都知, 我地係癲既, 成日掛住行就唔食野...今次hyson餓到自己去吉野食...嘩咔咔咔咔, 好喇, 見係hyson哥, 就坐底食個lunch啦, 其他人無面比架

行行行, 買買買, 攪到6點...都未去到個淡水碼頭, 我地已經好累拎野拎到手軟...唔得, 要返酒店放低d野先...返底哂d野, 又係食dinner既時候, 再集合時真係笑到肚痛...4個敗家精不約而同換左新買既野上身, 事前真係無夾過架~

食完dinner我地去左一個叫 "五分浦" 既地方, 係一個批發市場, 據聞有好平好平既野買...可能係因為年紀關係啦, 大家只係買左幾件小朋友衫仔, 其他野買唔到喎

6月2號 (有雨...我終於知道willy雨神既身份啦...d 雨跟住佢架)
早餐: 西門町鴨肉bin

太早啦, d店舖都未開門, 食完早餐再慢慢行去買"港記"鳳梨so+綠豆膏+豬肉紙做手信, 之後就去"東區"行city hall 三越搵le creuset...買唔到spoon比carol同oolong, 不過踢左2個人入會, xddd

午餐: 雪糕
係唔識死既gobby話要食既, 明明已經肚苛都要食...

下午去左101大樓, 原來係想去觀光層參觀既, 不過去到門口見入場費要一人HKD1XX, 孤寒的禾地就決定唔入去, 係門口影張相就算:P

下午茶: Hello Kitty Sweetie Cafe
這是唯一我想去既地方, d擺設好得意呀, 可惜食物唔得啦, 去一次好喇, 唔會再去

晚餐: 干杯
全程最最好味既一餐, 大部分既肉都好好味, 什麼牛五花豬五花特選和牛食完一碟又一碟...最最重要係d仔得丫, 個個都令仔都爆既, lum哂

<待續>