Thursday, August 25, 2011

Rachel Workshop Sunday Market 之 鵝肝醬

Rachel Workshop Sunday Market 係 8月14號 完美上映, 當日有去既blog友一定滿載而歸啦.

最開心就係買到罕有既 Rachel 自家制鵝肝醬. 一直都有聽不同blog友講rachel
鵝肝醬係幾咁美味, 又香又滑. 平時上堂試食既鴨肝醬已經好得, 心想鵝肝醬應該有更高層次既味道感覺吧.


自家制不含防腐劑, 儘快食左佢吧. 係Sogo既Donq 買來法國長麵包 (小仙覺得donq既法包外皮脆卜卜, 就算入面大氣孔亦唔太軟熟, 自己仲係好鐘意呢). 煮個湯已經係極度美味既享受.

配蘑菇湯, 香濃美味. 蘑菇同鵝肝都有一種餘韻, 叫人回味.


主腳
鵝肝醬, lum lum lum死人啦, 味道細緻溫柔, 充滿淡淡既酒香, 唔會有任何一種味道太搶太罷度, 整個配合起來就真係好味都震...不知不覺食3大件麵包先飽到停口 XDDDD


另一餐, 配搭蕃茄湯, 貪佢比蘑菇感覺清新. 可以平衡
鵝肝醬既厚重感覺.


呢個蕃茄湯都係一般西湯做法: 

2人份量: 4隻蕃茄去皮之後一開四
切件 (選用溫室茄, 大又圓果款, 有茄味, piago 買好平, 約10蚊4個) ; 1/2隻洋蔥切碎 (係咁易); 1/2隻著仔切粒; 1盒煙肉粒; 雞湯; 鮮奶.


做法: 不落油, 小火炒煙肉粒至出油+有香氣, 加入洋蔥碎炒香, 加入著仔粒炒勻, 加入蕃茄;
注入雞湯至cover材料一半高度, 上蓋小火煮30分鐘. 以攪拌棒略打 (不需要打至極蓉), 加奶煮熱就okay了.


6 comments:

  1. 典解要用Empress ah? hehehe
    [Happy Everyday回覆08/29/2011 10:12:51]Aiya.....打錯字tim...我係問典解唔用Empress ?
    我都有用Empress 打熱湯咖!唔好用枝棍,用個透明蓋仔塞住,再用LC silicone mat 輕輕按住,就唔會飛出黎!熱湯打唔多過1分鐘係冇問題!
    [版主回覆08/29/2011 00:58:50]唔得打滾既湯丫, 會飛晒出嚟, 放涼d 打就ok 呢.
    [gjmama回覆08/28/2011 16:04:07]我有用empress打熱湯呀!試過得,但又試過飛晒出嚟,幾乎燙傷!@@
    乜empress唔可以打熱湯呀!!>.<
    [版主回覆08/28/2011 13:17:55]你指"用" 定"唔用" 呀? XDDD
    打湯矛用empress呢因為心急等唔切佢凍丫~

    ReplyDelete
  2. 仙,我要借地盤多謝11r,佢請我食鵝肝醬,佢全世界至靚!!!!!!
    [版主回覆08/28/2011 13:18:30]妖...用whatapps.....收你地0.99架...
    [11R回覆08/26/2011 23:56:00]佢全世界至靚 >>>> 駛講...wakakakaka!!!
    [膠膠B回覆08/26/2011 15:17:12]我呢我呢?! (含笑飄過)
    [爆炸兔回覆08/25/2011 17:52:00]你又靚,第2啦!!

    ReplyDelete
  3. 哎, 禾買左未食, 禾要整個包快d開左佢食先.
    [蛙人回覆08/28/2011 21:25:52]隊晒, 冇得頂! 禾阿哥食完話佢都想學整, 禾見過有人試過包堂整呢個, 包堂禾又啱!
    [gjmama回覆08/28/2011 16:06:12]包堂預埋我哩個大鄉里,得唔得!^^
    [版主回覆08/28/2011 13:19:22]食完真係好回味丫, 可唔可以包堂學整呢個呢?
    [11R回覆08/26/2011 23:55:19]5d食啦,只可放2 wks ~~

    ReplyDelete
  4. 3日清兜了~~~~~~~~~~~~~~~~~~~~~~~
    波仔已通
    [版主回覆08/28/2011 13:19:50]通都抵啦

    ReplyDelete
  5. lee個鵝肝醬真係好味到暈...食唔停口...heehee!!
    [版主回覆08/28/2011 13:21:08]好彩限量想買都矛得買...否則靠自制力去忍口, 真係死得....

    ReplyDelete
  6. 雖然平民百姓如我係唔好鵝肝醬,但你D碗碟盛器確實精美!!!
    [版主回覆08/31/2011 18:45:40]禾最大興趣就係睇碗碟...你睇下禾幾矛聊丫...hehehehehee

    ReplyDelete