Sunday, August 21, 2011

四喜烤夫

相信每個人對味道既感受都深深受童年生活影響, 家庭中如果成日食濃味食物, 大個亦會重口味; 從小食好多蒸魚既, 長大後就唔會怕腥; 食開麵既唔一定鐘意食飯...口味絕對係個人化都不得了既一件事呢.

禾係寧波仙, 不過父母都已經係香港出生, 但過年過節都會有d 上海菜寧波菜食既, 只是一般都係呀young (女麻女麻) 整, 當中印象深刻既就係"炆烤夫"...真係好好食, 可惜十多年前女麻女麻因為信佛食素之後...煮飯越來越少調味, 配搭亦越來越跳脫, 特別係煮薰既食物, 成日比佢嚇一跳..."烤夫" 只會係街外先有機會食...


的起心肝, 試下研究點去煮呢個菜...預左要試幾次先成功呢.

材料:
烤夫, 毛豆, 菇, 金針, 雲耳; 

其他: 薑, 蔥, 老抽, 蠔油, 糖
烤夫係老三陽買 (frozen既), 份量大既似 "方包大小", 約2吋厚 $22; 禾今次好彩買到一件四四正正既, 如果買到一件係 "邊" 位 就要切走個"邊".

(1)
  金針, 雲耳以清水浸軟 (約10分鐘), 金針剪去頭既硬梗; 搾干水份, 待用
(2) 菇以2.5杯-3杯清水浸軟 (約20分鐘), 剪去梗部,
搾干水份, 待用. 菇水亦留用. 
(3)
毛豆先以滾水加鹽烚10分鐘, 趁熱去殼去衣, 份量多少隨意

(4)
煲大滾水, 加入薑片3-5片, 蔥段2-3條; 加入烤夫飛水, 一滾起就撈出黎

(5)
烤夫切成合心意既size. 要注意大小應該同菇菇size合比例, 否則成品唔令仔; 另外如果打算即日煮即日食, 可以稍為切細件d, 更易入味. 相反如果打算幾日之後先食就要大件d, 因為炆過既菜越放置耐就越吸味, 太細件會好salty架呢.

(6)
烤夫搾干水份...yes...要同禾一樣搾到青根都出埋先得架

(7) 搾完再搾...以清潔既布包住搾

(8) 大鑊加入3/4至1杯油, 以芥花籽油為佳, 中火煮熱 (不需要大火)...加入
烤夫轉細火炸. 之前搾得夠干身就唔怕油花四濺, 安全好多.

(9) 一直keep住細火, 約3-4分鐘可以幫
烤夫轉一轉身, 炸至烤夫硬身就成 (色澤亦會轉微金色)

(10) 撈起放筲奇隔油, 以熱水沖一沖去除過多既油


(11) 放2湯匙油 (用炸完
烤夫既油都得...應該好似相片咁仲係好清澈既)

(12) 炒毛豆粒1-2分鐘

(13) 加入
+金針+雲耳炒3-4分鐘

(14) 加入炸完之
烤夫, 炒勻

(15) 取之前浸完菇既水 2杯, 隔去渣滓. 加入2湯匙
老抽, 2湯匙蠔油, 1湯匙糖; 加入煲中

(16) 小小火加蓋炆30分鐘 (不是當日食計; 如果要當日即煮即食請炆多15分鐘)



######################
testing result :
(a) 煮了30分鐘, 試味時感覺比較淡口, 可以加多少少蠔油 或者 烤夫/菇菇要細隻d
(b) 正式食用係2天後, 菇菇好salty, 應該要加糖先得



 




12 comments:

  1. 你都係我同鄉噃,不過我係浙江上虞出嚟個噃。
    [版主回覆08/22/2011 09:33:33]其實禾得個UP字. 查實除左"食", 禾對鄉下咩都唔識唔曉架呢. :P

    ReplyDelete
  2. 食上海菜,必點烤麩吖
    仙仙,你d cassis 色甲油好令令 >^.^<
    [版主回覆08/22/2011 09:34:07]嘩...係喎....你唔講禾都唔醒起呢個係CASSIS色丫....叻叻叻!!!

    ReplyDelete
  3. 巧叻呀!
    除咗CASSIS指甲油令令...
    妳隻手都好白滑喔...
    嘻嘻... 我多咀了!:p
    [gjmama回覆08/23/2011 22:47:41]係玉手,乜嘢豬手呀!!
    [版主回覆08/23/2011 11:41:48]哈哈哈, 豬手有人讚丫, 真開心 :)

    ReplyDelete
  4. 你啲指甲令我聯想到 cassis 煲加 bling bling 煲邊 :D
    [版主回覆08/23/2011 11:42:39]前2日見到FEON留言...禾好低能咁併自己D指甲去個煲度睇....開心左好耐丫!

    ReplyDelete
  5. 金媽今晚都煮左烤夫!!!
    [金仔回覆08/24/2011 14:35:01]OK啦!!
    [版主回覆08/23/2011 11:43:04]金媽一定煮得勁好味啦~

    ReplyDelete
  6. 烤夫我好like...你要煮比我食...
    [版主回覆08/23/2011 11:44:02]有人幫禾試菜, 求之不得啦. 禾地個四川夜上海講左咁耐都未攪, 不如9月頭搵個星期六丫.

    ReplyDelete
  7. 呢味嘢真係要好有心機煮。仙,好嘢!
    [版主回覆08/23/2011 11:45:21]煮完先感覺唔係想像中咁多功夫. 之前都係個"炸"既步驟有擔心D油周圍彈...不過又好似OK喎.

    ReplyDelete
  8. 果然係寧波仙,雙手又白又滑;P
    呢味好複雜呀!
    [版主回覆08/25/2011 09:38:55]唔係太複雜咋. 只係"炸"呢個STEP煩D, 其他野都係一煲過炆呢. 等禾下次調味再調教得FIT D再POSE.

    ReplyDelete
  9. 嘩……我好鍾意食烤夫……
    [版主回覆08/25/2011 09:39:39]me too, give me five!

    ReplyDelete
  10. 我出街食飯都成日點呢樣架,原來整起上黎都好多功夫。。。你隻玉手同甲油好搶鏡呢:)
    [版主回覆08/25/2011 09:40:08]唉丫, 個個都笑人D CASSIS指甲, 耶...

    ReplyDelete
  11. 我等跟隊形
    [版主回覆08/28/2011 13:24:50]乖...都係照食啦, 唔喂隊形都矛計...

    ReplyDelete