Sunday, May 22, 2011

交功課 : 口水雞

口水雞第一次試整

其實個雞本身矛難度既, 整法同大部份浸雞一樣, 只係浸熟佢既水應該要加d 花椒粒. 只係禾本身唔多食得"麻", 就除去花椒粒, 只用薑/蔥/酒浸熟瘦雞.

之後要馬上浸冷水, 停止
雞以餘熱自煮落去. 之後就係拆肉....help....小仙係完全唔識拆既, 又刀又剪都攪唔掂, 要搵人捉住手仔教禾呢.


大家覺得個款點丫? 似嗎?  口水雞既靈魂係個油汁, 要以花椒油/蒜/紅酒/芝麻sauce等等混合而成. 又麻又香又spicy, 好有層次既感覺, 有內涵架


成睩脾上




需要既材料大部份都唔知點搵, 在此不得不多謝YiuYiuMaMa, 一齊上完cooking class佢就好慷慨拍心口話攪掂d 花椒果d...大家都知YiuYiuMaMa工作上非常繁忙既, 近期身體又唔舒服咳左幾個星期....真係百忙中都仲張羅哂有關材料比禾地, 就知道她是一位對朋友好好既人, 以真心加超級誠意去對待身體所有既人




除左呢個花椒油 (已經用左一半整左呢個口水雞...下次整埋擔擔麵
) 同埋原粒花椒粒, 仲有一袋雪菜(定芽菜), 都係擔擔麵需要既材料呢. 加上一斤斤既四川紅椒, 呢d 寶物有錢都唔易買架.



YiuYiuMaMa既細心, 亦充份表現係呢d 愛心干果上面. 小女子幸福非常咁已經係第2次享用yiuyiumama既home made dried fruit...記得上次食完係facebook輕輕提過話kiwi同橙最好味...細心既yiuyiumama就記係心, 今次係520sogo再見面, 慷慨既她比禾果袋比較多kiwi同橙架, so sweet!! 

要知道homemade fruit 既出品不單單係心血心機生果錢, 制作過程同出黎既量係不成正比既, 絕對同經濟效益成大反比. 每一片干果禾都以珍惜既心情品嘗, 感激個天比禾見到遇到一個如此美麗既女子.




8 comments:

  1. 好好味咁!!
    [版主回覆05/23/2011 22:30:00]都ok架, 鐘意食四川野就一定巧like, 又香又麻 !

    ReplyDelete
  2. Yiu Yiu佢真係用好多心機時間整d乾果,想當年我整乾果又洗又切劑劑搞成晚呀!大堆生果先整到小袋乾果呢!
    [版主回覆05/23/2011 22:30:00]絕對同意呢

    ReplyDelete
  3. 我拆肉都係亂黎,反正都係一堆,睇唔到,睇唔到
    [版主回覆05/23/2011 22:31:00]又落手又用剪加埋刀....

    ReplyDelete
  4. 她是一位對朋友好好既人 => 百分百同意呀!!!!!!!!!!!!!
    睇見已經流晒口水呀!!!!!!!!!!!!!! 好想吃呀!!!!  我想自己食晒呀!!

    [版主回覆05/23/2011 22:31:00]"渣" 一聲就食哂lu

    ReplyDelete
  5. 吃吃吃~~~包乾果....我未出到sogo門口已經俾我趙晒啦~~~~ yiu yiu 媽媽 真係好正呀~~ 其實我地呢8姊妹大家都好好丫~~~ 你呢個口水雞個汁汁 係係清左少少呢?! rachel果個好似深色d 是紅油的原因嗎?! 星期日有紅油拎wakakaka
    [版主回覆05/23/2011 22:33:00]個紅油仲係清既, 可能矛落葉既關係啦. 不過好香呢. 星期日等紅油就可以整擔擔麵了

    ReplyDelete
  6. 好吸引﹗見到口水流。
     
    [版主回覆05/24/2011 09:57:00]所以叫口水雞囉

    ReplyDelete
  7. Please Share 萬分感激 ! 待領貓貓 ~ 扁扁 扁扁遭恨心主人遺棄於大坑渠內, 拾獲時下半身生癬,後腳脫皮見骨,有呼吸道感染及眼睛發炎, 體重只有1.6 kg, 經過三個多月悉心照料, 已完成康復,現時體重2.8kg, 回復王子身份 詳情: http://hk.myblog.yahoo.com/mimicowboy/article?new=1&mid=2709
    [版主回覆05/24/2011 09:57:00]小黑exotic 非常可愛, 希望早日搵到佢既幸福呢.

    ReplyDelete
  8.      我至愛
    [版主回覆05/26/2011 13:55:00]你一定鐘意食spicy野啦~

    ReplyDelete