停不了的泰菜 (柚子沙律, 沙嗲牛柳, 芒果糯米飯)

肉體係曼谷返左, 但個心仲係個邊, 煮野都仲要煮返泰菜先合心水!

泰式柚子沙律: 泰國金柚, 干蔥, 酸子 (浸緊水), 糖, 魚露, chili sauce, 青檸

之前一直都係買超市一份份整理好既金柚, 可惜今日超市既姐姐只係埋手整榴蓮, 金柚要成隻買($33). 用左20分鐘去起柚子肉, 得出一大碟, 同一價錢既一份份既柚子應該只得呢度既一半, 即係禾20分鐘慳左30蚊, 哈

泰式酸子汁金柚沙律

沙嗲牛柳串: 一件雪花牛扒, 大半隻紅椒, 大半隻洋蔥

牛扒去肥邊, 切粒粒, 整呢d 串燒都係搵一件多雪花既好味, 唔怕grill得耐鞋哂. 用沙嗲sauce醃30分鐘.

串好, grill 埋, 攪掂. 零難度, 一件扒串到9串架呢, 呢個菜得架, 好似好豐富咁不過只係得一件扒, 其他都係蔬菜. 禾應該要減肥, 啱哂.

食既時侯再沾沙嗲汁, yummy yummy

芒果糯米飯 : 買左一隻大大腩毒賣腩返黎, 試整芒果糯米飯先得, 上網搵食譜. 白糯米要浸水4-6小時, 再大火蒸30分鐘 (黑糯米要浸過夜, 蒸70分鐘)

矛蒸籠, 就用呢個有lone板啦, 大火蒸佢30分鐘, 馬上趁熱撈椰奶, 比例係 1杯米/60ml椰奶/1湯匙糖. 之後用厚身保鮮紙包一包, 待一陣入味先食.

serve既時候必須加泰式炸綠豆粒粒, 再加椰奶係面. 禾個人覺得可以再甜d, 下次會撈多d 糖係糯米中, 又或者學泰國d做法, 加少少pandan入去, 甜哂!