仙女遊樂凡塵: 日本高山, 立山黑部 2014

好耐無寫blog了, 不單單無寫,直頭係好少逛自己和朋友既blog. 因為仙女係過去既2個月幫手做了一個項目, 好忙吓呢. 而家攪掂哂啦, 可以回歸平常既生活了, 嘻嘻. 係呢個blog禾想補返呢段期間發生過既生活片段, 將會慢慢寫回去了日本富山+立山既trip, 同埋台南台北之旅. 當然不少得煮食紀錄和朋友聚會等等啦. 禾唔知道仲有矛人黎睇禾既blog丫, 不過都想記錄下來讓自己留念呢.

日本富山-立山黑部 (5月)

仙女一直都想去立山黑部, 想左幾年啦, 對於佢著名的景點 - 雪之大谷有莫大的興趣. 今次禾地係參加Yokosu (日本深度遊俱樂部) 的 2日1夜local tour, 由東京新宿出發去富山, 飛驒高山, 白川鄉同立山黑部玩呢.

整個旅程係6日的時間, 花了一個周未的時間去立山tour, 其他日子都係東京行街食野見朋友的. 很開心可以同Yumi相處左2日, 多謝你專門休假帶禾地周圍玩呢 J

[Day 1: 新宿]

到達當日係新宿附近逛逛, 等Yumi 下班會合之後就去食禾地既第一餐了. 多謝Yumi介紹了2家很別緻美味既餐廳. 先食超級美味的Tempure, 呢個係assorted tempura set

另外加了海膽同帶子, 嘩, 好味都震呀

晚餐之後禾地去左3丁目附近的一間特式咖啡廳 Chris on Café, 佈置好特別的主題餐廳, 傾傾談談就過了一個愉快既晚上呢.

[Day 2: 涉谷 + 自由之丘]

今日基本上沒有行程, 周圍行行逛逛, 必須要買既野一早已經訂哂去酒店, 加上Yumi 預先幫禾買既幾套Wedgwood & Narumi, 仙女真係物鬼都唔敢買, 怕自己拎唔到咁多野呢.

所以, 今日好他條, 去食飯~~ 蟹道樂既蟹餐, Super Yummy呀

午餐套餐, 份量唔係好多, 樣樣食下最後又幾飽喎

雪場蟹腳

蟹肉sashimi

茶碗蒸

Shabu Shabu

Tempura

Suisi

[Day 3 -4 : 飛驒高山小京都, 白川鄉, 富山, 立山, 美女平, 室堂, 大觀峰, 黒部湖, 黒部水壩, 扇澤]

呢2日係local tour既行程, 大清早7:40就要係新宿集合出發, 出發車站好鬼祟好難找, 好彩禾地預鬆左好多時間咋. 呢個tour係英文團, 可惜個導遊既英文太差, 基本上她只係能清楚交代上車時間/幾點係邊到集合等等基本資料, 反而司機伯伯仲talk得2咀, 攪笑.

中途休息點既小賣部

由東京出發, 大概要4-5小時才到達第一景點 -岐阜縣高山市飛驒高山, 人稱”小京都古街”, 也是高山市裡受歡迎的景點, 有好多café, 小商店, 紀念品店等, 是高山最熱鬧繁華的一條商店街. 這一區老房子全部活化, 老街再造新開發,已被日本政府指定為“重要傳統建築群保護區”.

禾地隨意閒逛, 當然不可錯過飛驒牛. 有飛驒牛薯條,飛驒牛可樂餅,飛驒牛壽司, 但個團只逗留1小時根本不容許入餐廳慢慢食, 唯有試下呢D串串啦, 大大啖食, yummy~

另外飛驒高山的味噌亦很著名, 禾地都買左少少試下呢.

到達第2個景點啦~~ 白川鄉, 呢到係世界自然遺産, 所有屋既屋頂都係「合掌建築」,合掌=祈禱時的手勢, 用厚厚既茅草做屋頂, 整個建築完全唔用一口釘. 而家入面仲有人住緊架, 冬天時候整個田野舖滿厚厚既白雪, 好美白川鄉不像高山市咁商業化, 反而有D圖畫般的鄉村風味.

有部份的合掌屋係可以入去參觀佢既建築結構, 可惜禾地到達時間已經係下午5時, 大部份已經關門了 L

紀念品店少不了, 出名既應該係”酒”, 禾見有好多吟嚷呢 xddddd

一整日都沒有坐好好咁食一餐, 晚上在酒店既韓國餐廳食韓燒, 正呀

出發啦, 上立山黑部啦…. 立山黑部阿爾卑斯山脈為日本具代表性的山岳觀光旅遊路線. 海拔達3000公尺的山峰綿延不斷, 令人驚呼連連的景緻, 如果不是登山者絕對無法體會. 現在的阿爾卑斯山脈旅遊路線, 可以利用登山纜車&無軌電車等不同交通方法﹑6個交通工具前往﹐可以瀏覽大自然雄偉狀闊的景色

[美女平] 立山纜車是日本最長的無支柱空中纜車, 可觀賞到360度立山連峰壯觀的美景.

[室堂] 即係雪之大谷, 每年開通時間得幾個月, 海拔2450米的立山室堂最高會有8米高既雪路. 極多的本地同外地的客人前來參觀,. 今次禾地係5月份去既, 雪路開始溶, 只得大概3-4米高度. 而且天氣一點都唔凍, 大概係5-10度有大太陽, 好彩禾地矛著什麼雪褸雪褲….否則就熱死啦, 大部份本地人都係穿得好輕巧, 一件薄薄既雞批羽絨已經足夠, 反而鞋子方面是需要有防滑底部的才方便走動呢.

[大觀峰] 係一個展望台, 可以說是立山最高既一點, 大家都係不停拍攝壯麗的山景, 禾地亦見到好多日本人拎住”自拍神器”有咁出伸咁出去拍攝…仙女畏高既, 只能攝係最入既地方望下就算 XDDD

[黑部湖大水霸] 對於出哂名畏高既仙女, 呢個位係禾一直好擔心既…因為由大觀峰去黑部湖係要坐呢個…平時係海洋公園坐吊車禾都V嘩鬼叫…呢架野真係囉禾命架.

一上車…原來覽車好大架, 有D似地鐵一卡既size….當人人都衝去窗邊擺個令位影風景…..禾就默默地行去正中間搵條扶手柱扶實企好…當整個覽車卡填滿人, 禾感覺好似逼地鐵咁, 好安心咁過左呢7分鐘, 正呀, 禾克服左佢啦. 去到黑部湖大水霸啦.

一般由每年6月開始, 黑部水庫會進行洩洪工程. 黑部水庫可蓄水2億頓, 屬於日本第一大水壩, 從leaflet圖片睇, 9月呢個湖四周開始染紅, 從室堂周邊開始變色, 風景比而家既白茫茫一片美麗得多. 下次再有機會去立山, 必定選紅葉季節, 相信會更可觀更美麗.

講真, 在現場親眼見到既景色實在比境頭下正得多, 有一份不能表達既感動, 親眼見識咩叫一望無際, 咩叫遼闊, 就知道人係幾咁渺少.

今次去立山黑部, 因為事前唔清楚交通, 唔知道點去handle件行李, 就選擇了local tour, 不過local tour花費太多時間係架旅遊巴士上面啦, 每一小時就停下休息站, 又去下手信店, 實在唔係自己杯茶, 加上係立山幾個點既逗留時間不到自己控制, 明明有d位想留耐d, 有d就覺得可以快快略過, 但全部必須跟隨整團人一齊行動. 所以仙女返香港之後就著手研究, 如果下一次去, 應該點安排交通才可以自由行 J