麗港軒

麗港軒，一家屬於南田麗港城會所入面既潮州菜館，之前係飲食男女介紹過，最近有機會試下啦。

每碟菜份量多，唔似一般酒家預人頭一人一件果種，結帳每人200蚊，離哂譜咁抵。

胡椒豬肚湯：辣而不涸，矛異味，一流

花彫蒸花蟹：都好得，清甜有花彫香氣，只係仙女覺得可以再好d，可以再有層次d. 但同行眾人就覺得全晚最得既一味菜，可見口味既野人人不同。

鹵水鵝併盤：超得，由鵝片到豆腐都好好味

普寧豆醬蒸烏頭：仙女唔食既，友人話有泥味

豉油王煎蝦：一般啦，唔夠香口脆口，蝦算新鮮

芋絲春卷： 特別，好味，好飽

潮州芫茜燒雞：禾係而家打blog先知用禾唔食既芫茜，但係都要講一句 “驚為天人”，隻雞係好厚肉好肥既雞，但係極滑嫩，全熟矛血，雞皮脆卜卜。禾係煮飯既人，當然理解要燒呢隻雞既難度，所以禾封佢做第一，全枱人都唔明點解禾會覺得呢碟燒雞會好過碟蟹……大家都係覺得佢排第二。

蠔仔烙，炒時菜，糖水：平均水準