Le Creuest Party Let's Celebrate for HooBee

周未好友Hoobee Cattery舉行左一個慶祝會, 慶賀今年貓展既好成績, 開PARTY啦喂!

大部分食物都係自己準備, 再加小量美心到會, 廿人儘興而歸, 氣氛好開心好熱鬧呀. 講返食物, 儘量用 Le Creuset 盤奉上, 唔打得都睇得丫!

仙女有幫手架~~

<蟹肉蛋沙律> 賣相一般, 不過幾好味

做法: (雞蛋烚熟, 拎出蛋黃, 另外加幾隻連蛋白), 加上罐頭蟹肉 (水浸吞拿魚都會好味), 蟹子, 沙律醬, 調味. 放回烚好既蛋白殼

<五香牛展> 第一次整, 又淋又入哂味, 成功.

做法: 急凍牛展 (解凍, 飛水, 啤水, 吉針), 五香卥汁炆90分鐘, 雪一晚. (詳細做法下一篇)

<Mini Burger> 賣相得, 剛整好時好好味, 可惜8點開飯已經凍硬哂 :(

做法: 麵包上牛油烘熱脆, 和牛burger肉加洋蔥碎煎好, 組裝

<芝士白汁蜆穀粉> 臨時變奏而成, 原本係danny要整truffle pasta, 鬼整佢樽松露醬壞左, 佢又去左做師傅仔修貓毛.....皇上原本想出手(當然係問題多多)...最後都係由仙女煮...用白汁+巴馬芝士+香料, 整左呢個蜆穀粉

做法: (粉烚熟, 保溫), 煮白汁+調味, 撈入意粉, 上碟時每放一層意粉灑一次芝士粉 (唔建議芝士粉一齊煮, 因為唔係即食, 怕凍左會好痴好干好膩)

仲有好多好多食物~~
<11R 即制即焗Pizza> 超級好味, 矛得輸, 人人激讚
做法: http://blog.yahoo.com/Rfamily/articles/1153348

主人家Danny都有唔少佳作, 今次矛失手, 全部yummy!
<香草豬扒> 膽1 : 食左幾年, 次次都有佢, 有時好干, 好時好味...視乎爸爸有矛時間一直望住個焗爐...今次煮得剛剛好, tenderness & juicy

<焗雞翼> 膽2 : 醃味可以再大膽一些, 比多D特色就好鬼正了...所以要配泰式酸辣汁...好好味

<咖哩魷魚> 都係焗爐出品, 入哂味, 唔老唔鞋好juicy. 建議加入"膽"行列.

<炸芋頭臘腸春卷> evin出品, 仙女太飽矛試, 不過波仔話好好味.

跟住係幾款美心出品....嘻嘻, 仙女都係矛食過既...嘻嘻...

皇上出手啦...西瓜波波...皇上掘到手軟, 將一個直徑有15吋的西瓜起肉挖波波
<西瓜波波涼粉雜果椰奶糖水> 用LC cassis salad bowl裝...好好味丫, 仙女隊左2大碗

另有"走涼粉" "走椰奶"版,  卡先生同蓮小姐2公婆既.

當然, 唔少得另一個"膽" <蜜桃kiwi水果沙律>, 沙律醬加入LIN奶, 一早整定都唔會出水, 好味.

最後, 禾地既膠膠出場啦, 情迷Tiramisu + Rum Raison Bread
<Tiramisu> 雖然有少少波折但矛損美味, yummy!
<Rum Raison Bread> 仙女實在太太太飽, 矛食到, 最後益左波仔

同場加映: 糖糖豬廚房遊蕩

今次仲有烏龍既Ally小計同鴨仔既13.   2位相差3個月出生既小朋友friend到不得了, 仲唔知點解係咁痴人玩, 仙女有幸係其中一個被睇中既玩具囉

今日玩得好開心, 好熱鬧, 多謝哂~~