南瓜蕃茄豬手凍

又煲南瓜蕃茄豬手湯, 呢個湯真係要多謝yiuyiu媽媽, 自己係佢既blog上面偷師學識之後, 已經成為仙女廚房既熱門湯水top3了, 好易整又美味.

今次煲完湯想整d未試過既野...就係拆d豬手肉做"凍"

煲湯時, 預先留起少少南瓜同紅蘿蔔, 切丁, 加多一條西芹一樣切丁. 以雞湯烚熟蔬菜丁 (南瓜/蘿蔔烚5分鐘, 西芹2分鐘), 撈起.

豬手湯煲完1.5小時之後取出豬手拆肉. 分開部份切出瘦肉 同 帶少少皮既肥肉部份.

容器以保鮮紙舖好, 方便倒個"凍" 出來, 要注意角位要貼好. 否則們出黎既成品唔令仔既.

烚完蔬菜之雞湯, 加入以凍水浸軟之魚膠片, 拌勻, 放室溫. 注入容量內大概 1cm 高, 入雪櫃雪凍至jelly狀. (15-20分鐘)

舖上豬手肉和蔬菜粒粒, 注入雞湯, 再雪15分鐘至另一層jelly成形. 現階段有2cm既雞湯jelly了.

接著就用隔渣既南瓜湯, 加入魚膠片. 一層層jelly慢慢形成.

湯同魚膠片既比例大概係 1杯湯 1片魚膠片 (5g) . 呢個比例禾係自己作既, 矛參考價值. 總之禾見佢會雪得硬就是了.

味道好得意, 配上意大利黑醋食用, 夏天食好啱呀!
要小心倒出黎, 唔好整散佢丫....之後再小心咁切厚片....趁凍食 (放室溫放耐左會化成水....)

味道 : 矛想像中既好味, 好似飲熱湯好味D呢, 而家用有油份既湯汁做JELLY, 入口總是有古怪感覺, 梗係似一啖啖肥野入口咁, 唔鐘意丫