Friday, March 18, 2011

Pandora's Box


根據維基網頁: Pandora's Box was a large jar given to Pandora, which contained all the goods & evils of the world. When Pandora opened the jar, the entire contents of the jar were released, excepted one - "Hope". Opening pandora's box means to create evil that cannot be undone.
**************************************************************

日本仙台大地震引發福島核電廠爆炸而致既災難性輻射外泄危機

每日都有大量的新聞資訊短片消息發放, 當中幾多係真, 幾多假, 幾多危言聳聽, 幾多欺詐暪騙, 就如打開Pandora's Box一樣,  所有野都一團煙衝了出來,全部不受控制地釋放了.

一開始大家見到既係盒子入面美好的一面, 日本國民自重文明友愛......

慢慢到福島核電廠事件, 日本政府處理時既態度太唔透明, 叫人太多問號, 開始留意日本核能發展的情況...點解一個高度科技文明的大國, 有豐富天然條件發展水力/風力/太陽能資源, 多年來只全力發展核電?   

點解日本要全國興建55個核電站合共三百幾個核反應堆, 但其中只需要用到30%的capacity用作電力供應...要咁多核反應堆做物?

點解係核電技術突飛猛進的今天, 仲死攬住一定數量的"鈈"原素核反應堆 (即係福島既第3號反應堆, 亦即係當年美國佬掉落廣島既原子彈)  明明比通用的"鈾"原素貴幾倍+危險幾倍...會會真係就如網上傳言一樣...以經濟發展去掩飾核武發展?

係潘朵拉盒子之中, 只剩下"希望"未飛走....各國專家參與救災, 就如新聞所講, 未來幾日係關鍵, 先不理會日本政府攪咩鬼, 禾相信大部份既日本市民係和平, 無辜的, 只希望真能大步欖過, 核反應堆可以慢慢冷卻降溫, 輻射問題可以舒緩, 富士山乖乖唔好打乞次. 再之後, 大家都要反思科技文明背後之真義, 人不能把靈魂賣比魔鬼, 因為魔鬼不會同你講道義, 只會反咬你一口.

**************************************************************

* 今日係facebook/yahoo/sina睇左巧多人對福島核電站寫既文章...有同意, 有不同意, 只好係呢度少少地舒發一下感受, 希望看的大家不同意都不要太激動呢.

5 comments:

  1. 我都覺得係,鈈毒得咁緊要,點解都要用?明知日本成日地震有幾危險啦;而且一開始重有得救既時候死都話好少事自己解決到唔比美國幫手,點解?佢公佈危機係4級既時候好多核專家已經評估係6級。先唔好講日本受災既國民有幾慘,比政府愚弄,其實佢亦係危害緊全球人類。唉,希望今次危機真係解決到啦

    ReplyDelete
  2. 有理由相信日本係有靜雞發展核武嘅!不過,希望可以控制到災情,福島真係有神祝福!

    ReplyDelete
  3. 仙,同意你的看法。現在只希望日本及全球都能化險為夷,哪個罪魁哪個茂利應生吞核彈是後話了。

    ReplyDelete
  4. 最緊要攪掂而家先... 見到福島d壯士...每次都睇到眼濕濕....

    ReplyDelete
  5. 有理由相信日本係有靜雞發展核武嘅!>>>+ 1  唔明點解明明日本平民好和平,但d政客咁搞呢個國家呢? 希望佢哋早日清醒,否則害死自己民族先,繼而危害全世界 祝福日本早日平定災難,盡快重建

    ReplyDelete