猴硐貓城物語

相信有養貓既朋友, 都知道台灣有幾位非常有名既Blogger, 禾自己就睇左MIA 同 PEPPY 既BLOG差不多7-8年了, 2位都係愛貓養貓女士, 2位都係有人類小朋友既獸醫夫人. 當中PEGGY貓夫人更加係影貓相好令令既, 之前已經出過2本專門教拍攝貓貓照片既書 <貓貓這樣拍就對了>.

近年, 由PEGGY既BLOG "貓貓博士夫人" (www.wretch.cc/blog/palin88) 知道她對台灣一個叫猴硐既地方非常關注, 呢個住了上百隻家貓的小地方, 入面只有老人家, 年青人都紛紛離開搵食....最初貓夫人只係被呢個"好山好水"既世外桃園吸引著, 只係當作一個拍攝街貓既好地方....慢慢地, 貓夫人覺得可以做多D, 為呢個小山城投入更多心力, 更成立一個"猴硐貓志工"既組織, 為呢個地方出力, 希望貓貓同老人家都可以有得著....

<猴硐貓城物語> 有貓夫人一路走過黎既心路歷程, 其中當然有好多好多可愛貓照片, 但更可愛既係貓夫人既文字, 真誠咁講返成件事既開始同經過, 自己既堅持同理想, 有好多章節都另人感動, 有養貓既朋友一定更加投入呢!