More Sexy

More Sexy 不是禾, 而家佢, 登登登登, 六個多月的BB貓女, 佢係仙家已經住左一個多月啦, 係係好可愛呢. 不過More More唔係禾既乖女, 佢係朋友Matthew既寶貝, 禾湊住先咋,  4月佢daddy會接佢返台灣架啦.

好多年矛湊過BB啦, 去年就湊過4隻ET   BB 一個短時期, 佢地係超級活躍 , 又多野講, 仙女有D招格不住既感覺, 當年豹哥同牛牛一齊都管唔住幾隻ET BB, 日日都係無意識狂奔狂撞扭出房玩, 好Crazy下. 不過同一時間ET貓又好DAD好親人, 用無辜純真眼神望住你, 個隻貓掛係你身上, 仙女又愛又恨呀.

今年呢, 禾就湊左More 囡, 遲一點可能仲有 Bobby 仔, 係湊BB既日子, 仙女又領悟到多D野, 就係對人對事都一定要學曉 ”欣賞”.  話說以比賽的角度More Sexy不屬於show cat,  身邊養貓既大部份都係玩SHOW既朋友, 對於貓貓既外型要求算高, 一般以比賽既標準係不會意屬More 囡.  不過仙女可以好大膽講一句 , More 囡 絕對係一隻100分的貓, 佢既性格超級可愛,  又聽話, 活潑而不搗蛋, 叫一聲 “BB” 佢就會飛飆到跟前, 每日會自己走上梳發一齊睇電視, 晚上會自動上床倍你入睡. 唯一的缺點係”為食”, 特別係為食人的食物, 成日去偷食/偷飲仙女的野.

打理照顧方面更是無敵, More 囡既毛非常短+爽, 所以係”唔需要梳毛+唔甩毛”既!!!!   只係呢一點已經要比1000000分, 養貓但唔洗怕貓毛周屋飛, 想點? 仲要係Exotic 喎!!!   另外, 佢既眼淚分泌少, 幾日抹一次眼都足夠, 比起一日要抹幾次既Dolphin & Chino, 照顧More 囡真係超級舒服呀.

More 囡 deserve a very happy life, 禾希望More 囡將來有一個清潔豐足溫暖的家, 有一個愛佢愛到捧係手心鍚的主人, 有一齊過日子可以追逐玩既貓同伴, 仙女就心滿意足了. More 囡BB, 你要努力成為世界上最幸福的貓貓之一呀.