今日巡blog時係blog友Happy Everyday既網址見到呢碗LC粟米湯. 好想好想好想飲丫, 再睇多幾篇原來係一台好抵買既Empress Blender 打出黎既, 再睇多2睇, 今日係特價既最後一日, 禾不嬲對"特價" "最後今日" "贈品" 都矛抵抗力既, 一放工就拿拿臨去買左返屋企, 真係好好好平, 就算矛新C hang 用3個月都抵番
quoted from : http://hk.myblog.yahoo.com/jw!acgMDJmLBhjSAX6o8i9iIwc-/article?mid=4846之後馬上去超市買一堆生果...好似太多....買個時都唔覺既....洗洗洗, 用洗潔精洗完又逐隻抹干, 加埋矛上鏡既紅蘿蔔, 西芹, 栗米, 番茄....唔知要食幾耐呢?
唉, 真係矛位放佢, 好彩係向高空發展既一座野, 如果好似夫人咁又橫又高, 真係會R頭....
第一杯果汁, 火龍果+KIWI+ 1/4 LEMON, 加水打30秒....好似只覺lemon味, 同埋一口泡....因為..因為..因為...禾屋企d 冷開水係貓飲既, 禾唔可以飲左佢地既水, 又心急唔想再煲+攤凍. 咁禾自己平時都係飲softdrink 同 mineral water多....所以呢杯果汁加既都係Perrier, 仲要係青檸味......唔知係唔係呢個原因杯果汁好多泡呢
講真, 禾幾乎係唔食生果既, 每日食維他命C, B+, 海澡丸 就算....如果真係要食生果就去買沙律/果盤食....第一次買咁多生果, 第一次望住個火龍果都唔知點切, 如果可以保持住日日打果汁飲, 就可以拋棄食左多年既維他命了, 新鮮水果點都好D掛.
另外, 禾唔知應該如何配搭水果, 腦入面諗既都係平時係果汁舖既配搭 "雪梨蘋果", "奇異果橙" "甘筍雪梨" 之類, 但禾見佢本書物野果汁都加少少檸檬既...奇怪呀. 比起果汁, 禾更期待打蔬菜汁, 因為禾唔怕青青澀澀味既, 之前係公司附近有果汁店都成日買5青汁飲, 好好味呀~~
當然, 一定要快d 快d, 快d 整栗米湯飲, YUMMY~~
豬，有好野就緊係要大家分享嘛，我典會介意！不過，呢碗湯貢邪惡，就真係估佢唔到
ReplyDelete妳都好犀利，話買就買，趕得切減價last day，好叻叻呀！
我買呢部機，主要係我個屋企人想飲原個連皮檸檬汁(佢頂得酸)
所以我打組合一定要加 at least 半個檸檬！Lemon 好搶味，會蓋過其他生果味！如果妳唔習慣，可以打其他先 eg.番石榴 + kiwi，梨 + 甘荀，青蘋果 + kiwi + 少少檸檬，仲有 啤梨 + Kiwi + 半個橙 ，呢個超好味
琴日我打木瓜 + 3.6奶，嘩！yummy 到連灌3杯
妳要加凍滾水 or 蒸餾水，仲要加 D冰，因為個摩打會熱，加冰，杯果汁會凍D好味 D！
Haha...講起部機，我就唔識收口！
以後大家可以多 D交流點打 EE喇！
[版主回覆10/18/2010 00:04:00]呢2日試左不同既水果組合, 真係凍d 好味d 如果唔想加冰就索性放d水果入雪櫃再打汁都得呢 葡萄+雪梨都好好飲丫
我睇你第一幅相，重以為你買了個29 oval 煲來煲湯呀!! EE best buy ah!! 價錢唔算太貴but用途多多!!! 你要努力打打打!! 之後都要好次今次o甘要常常 keep o甘多水果在家呀!!!!!!!!!!!
ReplyDelete[版主回覆10/18/2010 00:06:00]而家禾既選擇係28cm圓煲, 考慮緊caribean blue 定紫色, 29oval 開倉平咁多唔買 而家去買, 禾過唔到自己囉
你打算係屋企開生果汁檔?
ReplyDelete[版主回覆10/18/2010 00:06:00]2日...已經矛左好多咁啦...一日差不多消滅到5-6個水果...
妳用乜野洗潔精洗生果呀？
ReplyDelete[版主回覆10/18/2010 17:36:00]有d 專門洗蔬果個d 囉...禾洗貓兜都會用佢
仙女, 我曾經睇過有d文章講過淨飲果汁代替食水果吾係咁好架, 會返而吸收太多果糖呀! 要小心啊!
ReplyDelete[版主回覆10/20/2010 14:58:00]知道了, 我打果汁矛落蜜糖既, 就係驚太多糖份囉.