上海之旅 (AUG 2010 八) 外灘夜與日 + 新光蟹宴

食完晚飯就去外灘行一行, 走一走....嘩嘩嘩, 頂頂頂...多人到死, 好似平安夜既尖東海傍一樣  

所以大家就坐左一個"列車"過海....真係流過流加零....

係浦東影番去對面, 又幾令令喎~~

食埋雪糕, 禾地就返酒店, 開始笑到氣喘既娛興節目...打牌麻!!!

大家沖完涼就開檯....用紙扇炒麻雀! 超好玩呀!! 麻雀太太太細啦, 用手指都拎唔到, 唯有用扇去炒, 真係笑到肚痛, 又有人唔夠手長去摸牌喎, 一直比人話佢"短"囉~~

食"13腰"都要輸既, 打完4圈, 禾, cherry + chris 都吼喘發作, 笑到he he聲....

話咁快就第6日啦, 大家又去食西式早餐, 非常豐富既呢~~

今朝既行程又係"外灘", 爸爸話帶禾地去一個名勝地方, 行行行行行行行行行行行行行行行行行行行行行行行行行行行行行行, 行左近1.5小時, 都唔見呢個名勝既出現.....行哂成條外灘有多, 真係想死....好難忍得住唔發脾氣架呢......

最終, 行極都唔知行物....又到午餐時間喇....今日禾地訂左全個trip最貴既一餐飯 "新光蟹宴"....睇圖都知食到lum lum 利啦~~   亦因為呢一餐, 叫禾怒氣全消, 之前行幾多路都唔再計較了~~

一粒粒既大閘蟹蟹鉀, 起殼炒

一條條既大閘蟹蟹腳, 炒露荀

一匙匙既大閘蟹蟹膏, 食入口

一啖啖既蟹粉炒粉皮, 太好味

一著著既大閘蟹炒麵, 食唔落

爸爸...食到深喉...加埋扯低領口.......真係夠喇.......

可以食到咁多既大閘蟹, 真係好感動, 禾一路食一路好感慨, 禾地一啖啖咁食左他人辛辛苦苦meet殼去骨既蟹肉, 呢個世界仲有公平嗎, 有錢真係大哂嗎, 好驚下一世禾要meet殼meet到手指頭損哂咁去償還.

食完飯, 又返酒店了, 因為佢地要裝身去飲呢~~