上海之旅 (AUG 2010 完) BANQUET + LE CREUSET

成個女痕, 就係因為HooBee去上海出席Banquet促成既, 今日就係佢地既大日子啦, 個個都打扮得靚仔靚女  

爸爸變隻白鴿比禾丫

Chris 一貫官仔骨骨, 引來上海少女傾覆目光, 個bow 由閃銀灰轉去粉紅, 好令仔丫 

Cherry 最先話係雪紡, 禾仲估係西式飄飄下個款, 原來係中式既, 加埋對鞋, 應該可以同爸爸平排啦

**********************************
佢地去banquet, 禾就去敗家, Le Creuset, 禾黎啦!!!

LC 係上海有5個點, 禾去左3個, 分別係Citisuper@IFC, 久光百货 同 八佰伴.

第一站既Citisuper....成個場鬼影都矛隻, 禾見到一個好吸引既PROMOTION....水果兜2個RMB288 (即係HKD170一個, 香港賣HKD880/4個) 下面既仲要係香港無既款.....一定要買啦!

之後去到久光, counter矛人, 所以全身而回, 馬上打的去八佰伴....嘩咔咔, 八佰伴有一個專櫃, 貨品又多又齊, 最好係...售貨員主動比8折(promotion set 除外) XDDD

就咁睇, 唔係好多, 不過之前係taobao已經訂左巧多玻璃野, 全部都要手提既....無計, 左右思量都係拎唔到太多 (唉, 其實一返酒店已經後悔) 下面係其中既花花樽+油壺, 同2年前日本買既花花煲一套架, 巧令令~~

早知買多2套花花碟啦, 原來連日本都無哂貨

今晚落狗屎, 買到一抽二抽既禾, 返酒店放低戰利品就馬上出發去"時代廣場"...YES, 就係星爺少林足球開場+結尾既時代廣場行下喇...既然一條友就緊係要好好對自己, 食餐好既, 今晚禾選擇左和牛大蝦日本餐.....誰知食物剛剛到, 食得2啖, 電話就响...吓..物個Banquet 8點幾就完???  佢地已經返緊酒店??? 仲要食唔飽要再食過??? 

快快口塞哂d野入肚, 馬上打的返去會合大家....hmmmm....打的時發現一個奇怪現象, 有幾個少女單獨一個人企係馬路邊伸手叫車 (同禾一樣, 不過禾係中女), 但係所有的士都唔停比佢地既 (禾都無車停比禾), 反而有d 私家車就停, 同d 少女傾傾傾唔知傾咩....禾正正奇怪點解咁多吉車都唔停既時間, 居然有私家車停係禾前面, 司機又係同我講野, 禾一味耍手擰頭, 都唔知攪物鬼.....等左成10分鐘都係咁....死死地氣去對面既巴士站等的士....居然又比我等到 xdddd
*********************************************

最後一日, 又去食早餐, 今日選擇左夾夾三文治

食完早餐, 返去收拾收拾, 要返香港啦~~

上海BYE BYE!!