Friday, November 29, 2013

蛇羹,雙冬羊腩煲,咸魚雞粒煲仔飯,雪耳紅蓮燉雪梨


又係上堂的時間, 當然都係Rachel's Kitchen啦, 今次係廖師傅的堂, 廖師傳的中菜強橫都不得了, 次次上佢堂都好滿意, 味味菜都有水準, 教法亦好容易明白, 會教禾地小tips同how & why去預備食材. 

今次係13度低溫日子上堂, 食完個個同學仔暖哂, 正呀. 有時禾覺得, 上堂學唔識, 當去食一餐正野, 都抵架, 咁矛可能人人都聽一次就識整架啦...周街食譜書, 又唔見個個做到廚神 xdddd  (明顯為自己學唔識, 唔交功課打打底)



[蛇羹]
湯底煲幾個鐘頭, 味道全部由雞/豬出黎, 完全唔洗用"雞湯"去偷雞, 強!  矛蛇肉既蛇羹, 廖師傅話佢知好多女仔唔食蛇喎, 所以教禾地用豬肉絲雞肉絲做呢個羹, 一樣咁好味. 仲教埋點去"切"絲, 嘩...禾估禾要切一日先攪得掂, 加埋成版A4既食材表.... 呢個矛蛇既羹, 禾諗禾矛能力去做呢, 太太太困難啦.

[雙冬羊腩煲]
由羊的各部位優劣, 點去除"SO", 點去逼"油"都有教, 好有用. 就算將來唔係煮同一味菜, 起碼知道點去handle食材, 真係好正. 廖師傅有真功夫, 用普通容易購買的食材, 唔會特別去買名貴野, 但就會教禾地點去handle一D 急凍貨/普通貨, 令食材"增值", 呢D小tips一生受用.  

呢個羊腩煲就咁睇以為好易做, 以為好似平時炆羊腩咩都掉入去LC, 炆到時間夠, 夠淋就得....no no no...果種做法係街坊方法, 快令正. 不過廖師傅的教法有多D功夫同步驟, 食完出品禾了解左"多一重功夫"的價值, 呢個有機會一定會煮. 

[咸魚雞粒煲仔飯]
全晚的驚喜, 煲仔飯大家用開LC一定煮過, 但係廖師傅個"煲仔飯豉油"真係太太太正啦, 示範用煲仔飯豉油去煮煲仔飯豉油, 又係少少steps, 就加哂分, 強呀. 呢個煲仔飯禾過2天就會交功課架呢. 

[雪耳紅蓮燉雪梨]
清, 甜, 雪耳淋, 紅棗甜, 蓮子鬆化, 雪梨潤....又係一個1+1=10的甜品. 

講講下....想join多次呢一堂, 當去食飯都好, 不過Rachel's Kitchen的堂好搶手, 唔易有架 >.<

  

6 comments: