Wednesday, November 13, 2013

台南2013

仙女係仙界既人, 迷信多多少少有d, 11月要去行下大運呀, 所以造就左4日3夜既台南行. 

台北去過好多次, 台南係第一次去, 低能仙一直以為台南高雄係同一個地方 (好似香港九龍咁), 原來唔係丫, 開車都要一個小時以上才可到達呢. 

今次台南行, 矛行程, 但有目的. 要去探3妹貓貓同佢既可愛BB Sweet Heart, 亦想去看看朋友的新家, 替佢開心一下. 




到達高達機場已經係晚上11:15, 出閘過海關就好快, 11:30已經攪掂哂. 點解去高雄機場唔去台南? 一早講左仙女唔知2地相隔咁遠, 加上台南機場沒有咁多夜機選擇, 所以就...

朋友Matthew & Peter & 萍萍 來接機, 4日台南行正式開始啦, 一下機禾地就去左高雄的六合夜市, 掃下街, 行下..

之後就去了Matthew的新家囉, 很可惜裝修趕不上禾地個trip, 原本禾地係住佢屋企架, 仲可以同3妹一間房架...

新家超大超誇張...係4層house, 有lift架! 禾好似傻婆咁玩左架lift好耐呀.

之後就返飯店休息啦...第一日3點先訓...眼訓呀...

第2日, 識左好多新朋友, 有Tony 小富婆, 佢係Matthew的朋友吧. 禾們食完brunch就去了台南唯一既Le Creuset售賣點, 新天地的三越, 剛好是周年慶, 有折扣, 可惜折完都好貴, 買唔落手...例如14 cassis BB扣除全部優惠要HK$1.5k,  20grill (LM) $1k. 亦唔見到全城追蹤的心心花花媽咪煲, 所以大家都係空手回

幸好, 見到Rosina貓貓, 仲係未曾係香港見過既玫瑰音符系列, 折後NT1760, 比香港抵呢. 



去台灣一定要買書啦, 仙女喜歡先訂購, 再在7-11取, 很方便呢, 都離不開訂一堆食譜書一堆貓書啦. 

買唔到LC, 開始買野食, 糖村牛奶糖係仙女最最最鐘意既牛奶糖, 台南只有一家分店, 就係三越, 佢既鳳梨酥都不錯架, 另外佢有台北分店有好多cookies, 可惜台南店矛. 


去完越就會合Danny爸爸了, 佢今次要到台南做貓展master clerk, 當然啦, 有爸爸照顧的囡囡係富有既, 禾係第一次唔帶錢, 唔唱錢去女痕...全程爸爸照起 XDDD




又係食...食...食...今次係食Dazzling Toast, 呢個係皇上極力推介既, 一粒粒toast配上雪糕,Cream,生果, 又點會唔好味丫 




一行人去台南最大既花園夜市, 買買食食, 當中既燒蠔好好味丫, 唔腥新鮮, NT100一大盤, 起碼有12粒, 痴左咁平



不過夜市太太太太多人了, 行不到一陣已經要放棄, 快快入Matthew老家玩貓貓吧.

Matthew是台灣的breeder, 貓量現階段不是太多, 可是就有禾最最最愛的3妹 "Sweet Memory", 3妹年中時間做左媽媽啦, 生下一個餅印的班班仔仔 "Sweet Heart" , 倆個小朋友在星期日的貓展都有超級好的成績呢. 3妹拿到Best in Show, "highest score", BB就是Second Best in Kitten. 太太太開心啦. 




另外亦有Momo同CowCow, Momo係香港見左好多次, Cowcow就第一次見, 2個都好可愛, 好乖乖, 好活潑, 姐姐祝你地身體健康, 肥肥壯壯. 





星期日貓展日, 禾地玩完一輪貓貓就去左食野了, Tony同萍萍帶禾地去左7股鹽山食海鮮, 嘩...好遠呀...唔係有當地人去一定唔識路囉. 海鮮好新鮮, 台灣食海鮮同香港不同, 大部份都係好少調味既, 就係要食原味, 清水烚烚連薑絲都係得3條仔...每一種都有本身的甜味鮮味, Yummy.



食糖水時間: 安平豆腐花



又食又食又食...打邊邊, 但禾實在好飽了, 只食左D小炒, 食唔落其他呢. 


最後一日, 有少少shopping時間, 食完早餐禾地去petshop買野, 好開心見到Aixia既MiawMiaw罐頭, 香港已經矛咁濟啦, 係台灣見到, 即刻入貨, 小千千好鐘意食佢架. 

另外, 係貓展亦買左一個貓床比小朋友, 好令令架.

午飯時間, 台南真係好多好多小食店, 呢次食既係永樂燒肉飯. 其實係grill豬肉片飯, D汁有少少似魯肉飯果隻汁, 好味呀.




食完又食, 痴左, 深藍既千層餅店, 好好味, 仙女自問矛耐性整千層餅, 會煩死人架, 而且佢每一層係"獨立干身"既, 唔會一PAT咁痴埋一疊, 好得. 



88囉台南, 88囉Matthew & Friends, 88囉3妹&BB, Thanks all for everything!

15 comments:

  1. Replies
    1. 3妹真係好可愛, 又令女, 佢個BB仲得意呀, 個樣餅同眼神餅印咁, 肥嘟嘟, 活潑到不得了...下次去台灣, 預一日去台南採佢地呀.

      Delete
  2. 台灣係一個令我變肥嘅地方....樣樣野都好好味嘅呢!!!
    咁啱嘅! 我11月頭去了我朋友在KL的新居, 3層樓連天台, 都係有升降機架!!!
    話時話, 點解十一月要行大運呢??

    ReplyDelete
    Replies
    1. 台南大部份係小食, decent既店不多,不過都一樣美味,感覺係樸實矛華D,主要係食佢既原味囉
      香港既家居太小啦, 禾矛想過一個普通人家既屋, 會有電梯囉, 禾係鄉下婆出城, 嘻嘻

      Delete
  3. 識人帶路好玩好多
    我咁大個女一次台灣都未去過, 見到你d飲飲食食流口水呀

    ReplyDelete
    Replies
    1. 點解唔去台灣呢? 其實近近地都幾好架, 食下野relax下囉. 台北好多美食, 又有野買, 去台北玩下啦. :)

      Delete
  4. 一直以為台南高雄係同一個地方 <<<<我一直係咁認為

    ReplyDelete
  5. 我直情台中台南不分!!

    ReplyDelete
  6. 原來仙仙走咗台南一轉, 睇嚟好 enjoyable nei, good for you!

    ReplyDelete
  7. 有得玩有得食,巧開心呢 !

    ReplyDelete
    Replies
    1. Yes ar, Very happy to have the chance meet with friends!

      Delete