My Pika

Pika 走了,  在2013年9月11日晚上10時走了. 

經過左2個星期, 禾先可以收拾心情打呢一篇紀錄, 先可以再一次睇返Pika係呢段日子的點滴.

Pika係禾第一隻貓, 禾曾經承諾過佢屋企只會有佢一個大佬, 所以之後養既都係女仔貓貓, 好讓Pika唔需要係有生之年去"擺地盤", 可以安安樂樂做一世大佬

佢係一隻好有性格又英偉但極度鐘意親近人的摺耳貓, 個個朋友都叫佢做大佬, 無論屋企有幾多人係度佢都會一齊玩, 一齊坐梳化. 又會保護媽咪, 好似矛物邊個朋友未比佢咬過, 最鐘意食野, 最鐘意牛牛, 晚年對於其他貓客人更加包容, 絕對唔介意同其他貓分享自己的床仔和玩具, 什至食物都可以讓少少比客人. 最乖就係佢了. 

係8月初開始, 見Pika的尿有點轉深色, 好快8月10日左右佢既胃口明顯轉差, 腳仔開始矛力, 本身想等8月尾甲狀腺regular checkup 先見醫生都等唔到, 8月15日Pika睇左第一次醫生...當日既感覺仙女一直記得, 亦係第一次忍不住係診所失控係咁哭...因為禾從未想過Pika已經咁嚴重.....

由於Pika年紀比較大, 醫生建議先行食藥去控制病情, 每日都有近10隻藥/supplement, 而且禾必須要forcefeed 糧同水, 確保佢有足夠體力去打仗. 當時仙女都係好樂觀去配合治療, 因為Pika一開始對於藥品的反應都幾好, 幾日之後已經開始自己食餅餅, 感覺一直係轉好既. 

可惜, 由9月開始佢既情況開始好反覆, 禾每一日既心情都係上上落落, 跟隨Pika當日的身體狀況而走. 而自己每一日都花大量時間幫大佬, 每日6點起床, 好有耐性去餵水餵食餵藥, 中午lunchtime一定返家, 再餵多一次罐頭, 工作唔太趕禾都會囉年假留家. 可以做既野禾都會做.  

照顧Pika另仙女真心明白一件事… 原來有愛真係咩都會做, 不管金錢/時間/心機都願意付出, 仲唔會覺得辛苦, 唔會覺得係犠甡, 以前一直嫌煩嫌dirty嫌慢嫌辛苦嫌3嫌4既仙女矛哂……禾自己都唔相信可以咁有耐性去餵一餐飯, 可以晚晚打地舖倍訓, 可以日日幫Pika沖涼再慢慢吹毛, 可以不怕dirty去做清潔…真心既, 如果做呢D野可以換返Pika, 禾願意一直做落去…

每一日都會仔細紀錄食藥食飯時間, 磅重, 大小便變化, 有什麼特別狀況, 每次見醫生都會商量藥物效果...一開始係打印左四張紀錄表, 一個星期一張...可惜未填寫哂豹哥就走了...可見要走既都係要走, 人做多d 似乎只係自己心安, 併不能轉變什麼...

去到最後2-3日, Pika情況好差了, 仙女心裡清楚可能係時候, 自己知道最後既結果係點, 叫做有心理預備, 真係好難過好痛苦, 所有安慰說話禾都識得諗, 都識得講, 不過做唔到…當時唯一係願望係上天好好接走大佬, 唔好再叫佢咁辛苦, 卑微都不得了. 禾矛宗教信仰, 禾唔知道可以依賴什麼, 禾只知道自己必須頂住, 唔可以增加Pika既負擔…因為有一次禾實在頂唔住抱住佢大哭, Pika好驚呀, 佢唔明白點解媽咪會咁…佢明明唔懼怕死亡, 佢知道生病會辛苦, 佢好坦然去接受一切, 做媽咪又點可以叫佢走得唔放心?

9月11日, 如常lunchtime回家, Pika好好, 禾抱佢上沙盤, 餵佢食左一小罐雞雞, 再食vitamin B補補血… 放工之後馬上回家, 照常佢失禁了, 馬上幫佢輕輕沖身再吹干, 再慢慢補電解水, 之後好慢好慢餵一罐雞肉泥, 真係好慢好慢…全部入口的野都要打成液體, 1ml 1ml咁餵入口, 每一口都要相隔1-2分鐘防止Pika嘔返出來, 已經好幾日係咁啦…當時心諗, 唔知佢捱唔捱到中秋節 (9月19才是中秋).  食完雞雞,  Pika係廳中間倍住禾睇下電視, 佢一直係清醒既, 不時望住禾, 可惜已經矛能力轉身同郁動, 禾唯有每30分鐘幫佢轉下post等佢可以望到家裡不同位置. 差不多10點鐘, 佢好辛苦咁撐起前肢, 禾以為佢想去沙盤就馬上抱佢去, 佢係入面用力咁抽搐幾下, 叫左幾聲, 白痴既禾仲以為佢想去大便唔夠力, 一直摸住佢安慰佢, 之後Pika個頭就”卜”一聲跌落沙盤, 果陣禾先知咩事, 好出奇….果一刻禾係好冷靜, 矛哭, 就抱住Pika叫佢放心走, 一直摸住佢頭仔, 慢慢感應佢既心跳由快轉慢, 由有轉矛

由Pika睇醫生到離開係27日, 身體情況差到不堪既日子大概係3-4日, 上天對佢好好啦, 佢在生既時間係12年多, 係呢4437日之中, 99%既時間係健康開心食得飽又多人鍚既, Pika不單單有媽咪鍚, 仲有幾個細妹, 仲有一大班Pika幫, 真的要感恩.

要感恩既不止Pika, 仲有禾, 禾都有一大班朋友鍚住,  都一樣需要感恩.  Chris & Danny大忙人都日日問禾Pika點, 時間許可會倍pika 去睇醫生, 特別係皇上每日都問幾次pika既事, 一言一語既支持仙女衷心記住+感激 .  

Carol & 她的 XX 除左安慰禾之外仲會幫禾睇pika既驗身報告/藥物劑量, 什至親身睇下pika 既狀況, 大國手出馬講一句另禾對於醫生既診斷增加信心, 唔會左諗右諗, 可以專心一致去照顧pika, 呢樣野真係好緊要, 對於一個迷糊羔羊小仙女, no regret咁去行一條路, 少d信念都唔掂 .  

Pika幫 Pat, Gobby, Vera, YiuyiuMama一直都關心豹哥同禾既情況, 問候從未斷過, 仙女永遠記住.  Pat送既核突梳化床 豹哥係仲郁得既時間日日都去訓下坐下, 抵你做pika幫首領

禾知道其他朋友都會好關心豹哥同仙女, 不過今次pika大病禾矛特別公告天下, 唔想太多朋友擔心, 大家都係事後先知道, 每一個whatsapp安慰, 每一句facebook留言豹哥同仙女都收到, 都感恩, 請恕禾當時未能每一個人去仔細多謝, 因為果幾日自己都係以淚洗面, 連最簡單一句”RIP”禾望見都會哭一大輪, 好鬼渣. 什至而家呢一篇post禾都分好多次打…每打一小段就傻婆咁哭同發呆, 仙女就係因為咁變老架啦

前2日, 接左Pika返屋企, 禾知道佢而家可以係屋企舒服咁四圍巡, 隨便食, 仲可以跳高高去鞋櫃頂坐下.  Pika你要記住, 媽咪永遠愛你鍚你掛住你, 將來係彩虹橋再會.