Ad Hoc Club (1) Porcini : 牛肝菌雪糕

Ad Hoc Club 最終都開波啦, 原意係當大家係不停敗家不斷放毒的時候, 不如停一停玩一玩, 係集郵之餘可以驄明地利用喜愛的Le Creuset, 用心煮出一碟碟食香味全的菜式.

Ad Ho Club 的玩法: 參與者輪流出一個”食物主題”, 其他人就以該主題煮一味菜式, 係指定日子內分享出Blog. 任何菜式都可以, 不論係西式中式日式自由式貓仔式…亦不論前菜主食甜品都可以.

大家只係參與一齊玩一齊分享, 唔係比賽較量, 唔係比併高低, 單純地集思廣益, 激發靈感. 如果成功, 禾地就可以有一個個屬於自己既Tasting Manuel啦, 幾開心先得架.

Ad Hoc Club (1) Porcini 牛肝菌
仙女本身好少用牛肝菌做主腳去煮食, 通常都係西式煮食例如mushroom soup / risotto 會加少少, 以牛肝菌為主真係未試過.

第一波就去儘D, 一於用牛肝菌去做唯一既味道, 研發一個 Porcini Ice Cream 分享比大家, 絕對原創

材料:  牛肝菌10g, 白蘭地15ml, 牛奶300ml, 蛋黃2隻, Cream 200ml, 砂糖100g
器材:  打蛋器, 雪糕機 (內膽放入freezer一日以上)

(1) 用一個細煲, 中火放入Brandy+Porcini 去除菌類既草腥味, 酒精蒸發之後加入牛奶, 小火略煮15分鐘, 煮的時候不要大滾.

(2) 加入蛋黃, 攪拌再煮, 一樣係不能大滾

(3) 放涼之後用blender打, 成糊仔狀, 放涼入雪櫃

(4) Cream + Sugar 用打蛋器打至8成. 仙女呢個食譜CREAM 同 糖的比例係較正常高, 因為porcini味道帶苦澀, 必須重手加cream加糖才可以

(5) 加入porcini sauce, 用打蛋器打至溶合, 用雪糕機攪25分鐘, 再入freezer雪實

(6) 建議食用時候, 伴以coffee creamer 或 chocolate dressing, 味道好夾

 

(7) 制成品: Porcini Ice Cream

仙女都係第一次食咁重porcini味道的甜品, 好似一啖啖"趙" D 菌咁, 好得意架.  如果不能接受食重口味菌味道的朋友, 可以係step(1)既時間拎出porcini, 就只會有淡淡的香氣, 呢個時候就可以加果仁去加重層次, 下面呢個就係Porcini Macadamia Ice Cream, 小朋友都接受到架.

******************************************************
其他ad hoc club菜式, 希望大家多多捧場, 比d意見禾地呀:前菜 : Irene (牛肝菌蒸蛋)湯 : 11R (蟲草花牛肝菌松茸湯)主菜 : Yumi (Porcini Quiche), Gobby (牛肝菌野米釀春雞),
  GG (牛肝菌蒸肉餅)主食 : 鴨仔 (帶子伴白菌汁牛肝菌扁意粉)
甜點 : 仙女 (牛肝菌雪糕)