Maccheroncini (Hand-made Egg Pasta)

CCSuper有一隻手功意粉好好味, 當中仙女最鐘意佢既天使麵. 成份係用semolina of hard wheat, 蛋佔30%.

天使麵禾覺得好難搵到好味既, 坊間有D牌子煮完耐少少就淋哂糊哂, 但係呢隻唔會, 撈埋醬之後都食得出麵既味道, 仲一條條一著著咁彈住入口, 超正.

(A) 邪惡野: 香煎帶子配煙肉忌廉白汁天使麵

第一步: 首先煮汁 (2人份: 10g牛油, 2片煙肉, 2茶匙麵粉, black pepper, nutmeg, 50ml白酒, 80ml雞湯, 120ml忌廉, 芝士, chopped parsley)

以牛油起鑊, 爆煙肉, pepper, nutmeg

有香味時離火, 平均灑上麵粉, 以油去開呢個麵粉糊

之後分2-3次加入白酒, 禾呢個份量酒味濃, 食得出有酒, 可以自行加減白酒既份量, 拌勻, 上返爐頭, 加入雞湯, 攪拌.

微滾之後加入忌廉同芝士, 煮勻, 再微滾就熄火, 蓋上煲蓋, 離火

第二步: 煎帶子 (急凍帶子解凍, 麵粉, 牛油, salt & pepper)
帶子以鹽胡椒略醃 (煮汁之前先醃)

上麵粉, 要"藝妓FEEL"

skillet以牛油起鑊, 要燒得幾熱, 落帶子時先較至小火

hill door: 煎緊一面既時間唔好理佢郁佢, 夠時候你會聞到牛油香氣, 就可以返轉煎另一面. 呢個hill door比死記分鐘密碼有用得多.

第三步: 煮麵 (一大煲水, 海鹽一大匙)

水加鹽大滾起 (同時間請reheat個sauce, 加入切碎parsley)
放入天使麵, 煮3分鐘, 不時攬拌下

3分鐘之後, 加麵入sauce之中 (熄火), 再加入芝士.

Ready for Serve, Super Yummy!

(B) 一盒天使麵食唔哂, 剩返少少又唔想番兜上面既肥野....可以試下咁...."糖醋麵"

第一步: 以1-2湯匙鵝油起鑊, 要燒得隻煲夠熱, 小火10分鐘, 不時"浪"下D油去煲邊緣既位, 唔想佢太干燒.

第二步: 煮麵, 3分鐘之後放大箕基, 儘量鯨干水

第三步: 平均放麵係花花煲中, 轉中火(逼出麵既水份), 5分鐘(仙女本身想整一個花形既兩面黃...不過衰左...成唔到形, 逼住轉炒麵底)

第四步: 睇下可否煎成一片麵餅, 可以既就反轉煎另一面5分鐘(注意可能要轉小火, 唔好太燶). 唔可以既就好似禾咁"了"鬆佢, 中大火煎至脆口約5分鐘

上盤: 灑上白砂糖, 用火槍燒至焦糖, 淋上醋, 仙女用左balsamic vinegar, 不過太甜, 應該配中式鎮江醋會夾D, 唔知有矛人會試下整呢? 嘻嘻.

**********************
講開煮意粉, 最近一次煮緊既時候有人問"落左olive oil未", 禾呆一呆唔識反應因為對方係成日煮野既人, 問既語氣亦好權威...仙女認當時一刻有虛過.....好彩11R係旁邊即刻答左....原來就算煮左多年飯都會有機會係concept模糊既, 咁大家唔好嫌禾長氣, 就係度講一次自己係點煮意粉既. 亦希望大家教返禾, 如果見禾係某一D 技巧上好有問題, 就要PM話禾知啦, 咁先可以一齊進步既呢.

(1) 煲一大煲水, 加鹽 (起碼1大滿茶匙, 目的係維持水滾時候夠熱, 禾地用LC已經有幫忙, 用普通煲要加更多鹽)

(2) 水大滾起, 下意粉, 根據PACKING上講幾多分鐘去滾意粉,仙女會自行減1-2分鐘 (因為之後會煮汁料去撈, 會再回煲中)

(3) 水要一直大滾, 不要加蓋, 期間不時攪拌以免痴底

(4) 撈起意粉係大箕基, 鯨水, 要"了"鬆佢以免痴做一PAT, 如果矛其他汁料食pure意粉, 就可以放入大碗, 撈優質olive oil & black pepper (hmmm.....禾好似未食過咁pure既野....)

(5) 煮完sauce (仙女係一邊爐煮意粉, 一邊爐煮sauce, 同步慳時間), keep住微滾狀態, 撈入意粉.....最好係唔用(4), 意粉直接倒入sauce pan一齊撈+煮多一陣.....記住sauce要夠多, 唔好咁慳家

(6) 有D人習慣意粉先上碟, 就咁淋上sauce....hmmm 仙女覺得咁會好難食, 因為會粉還粉, 汁還汁, D粉仲會係你食既時候痴埋一PAT, 或者係呢個原因有人會加油一齊煮, 但係包左油既意粉係入唔到味+掛唔到汁上去既.

大家用呢個方法煮意粉, 包你碟意粉食到最後一口都咁美味呢.