月芝CAKE

某日行開超市見到做日本周, 有呢個 Luna 既北海渡芝士蛋糕counter, 忍不住買黎試下. (sorry 禾好似日日都行超市, sosad, 呢度就快要轉名做"仙女流落超市")

一個15cm大的芝士蛋糕, 有原味/檸檬/柚子/綠茶/朱古力/芒果不同選擇, 姐姐話可以放freezer放一個月. 試食時有原味好似"膩"左少少, 一於買檸檬味試下啦 (宣傳版話檸檬6分甜4分酸叫禾好奇想試)....點知姐姐死命推介芒果味, 話宮崎出既芒果係最甜喎, 仲係限量出品,  禾都唔知係唔係甜, 不過仙女天生順得人, 佢話點就點啦.

收入冰櫃之前, 建議先切一件件, 之後就可以食幾多解凍幾多了.

 

試下先

配Yumi介紹的marks & spencer既 Assam 茶包.
其實西式茶禾只愛 assam & 大吉巔, 其他earl grey/花茶都覺得太"香".

仙女到而家都未有一隻合適既Narumi茶壺, 用返Ribbon Cat啦, 嘻嘻..都幾令丫

Luna 芝士蛋糕食之前由冰櫃拎出來2-3小時解凍, 芝士係室溫狀態下好清好軟滑, 檸檬同芒果都好味, 矛介紹錯. 配清香既assam好配合呢, 有機會可以試埋其他口味呢. 不過, 點都唔夠係日本北海渡買既芝士蛋糕咁香濃咁回味..唔知幾時有機會再去呢~~