上海之旅 (AUG 2010 一) 出發, 正大廣場, 小南國

7日既上海之旅出發了, 好耐都矛去大陸玩啦, 之前既一份工成日要返上海+北京, 差不多有一半既日子係大陸既, 攪到之後都好少好少去國內玩, 如果今次唔係有EXPO都一定唔會選擇去上海呢, 咁啱hoobee要去囉獎, 一拍即合啦~~

話就話7日, 但係要遷就工作關係, 係晚機去早機返既, 好彩之前danny plan過, 想去既地方都去哂, 仲有好多驚喜添

酒店係黃埔區既 "新黃埔酒店", 雖然唔係豪華個隻, 不過地點極之方便, 地方亦清潔光鮮, 住得好舒服呢, 多謝Bill Sister既推介~~

一人一個29吋大gipson, 走個時就加多個hand carry size去放敗家既戰利品, 正!  Danny對腳...有3個gip既長度, 有興趣既朋友自己搵d gip去度下到底爸爸有幾長啦

第一晚去到已經過左01:00....settle down之後落街搵野食, 明明有人話有一條"美食街" 有消夜食既, 奈何只見Lawson仲開門....唯有買杯面就算啦....4點鐘終於上床訓了....好累呢
第二日係EXPO日, 大家都一把年紀唔得太辛苦了, 決定下午3-4點先入場, 行得幾多就幾多, 唔要排隊, 唔要周圍跑個隻

早早起身, 個樣好似好精神....只係假象, 查實係行屍走肉既

係酒店食完早餐....接住既景點就係午餐....WAKAKAKAKA
去正大廣場行一陣 (唔知行物架, 只係未肚餓囉), 正大廣場係浦東既, 酒店就係浦西, 的士過去都係十幾蚊, 四個人分, 抵到爆

正大廣場其實係一個購物中心, 出面有一個好大既圓形行人天橋, 何奇壯觀!!

天氣好好=熱都死.....影左唔夠十分鐘大家已經黑左..快d入商場行下嘆冷氣吧. 個場好悶下, 無野行既....連超市都唔放過...是日精選"昆輪山水"....

個商場明明買國際品牌既, 可惜裝飾都係娘爆....

Uncle Dan...又開始低能了...大庭廣眾扮行catwalk....give me a beat....ohohohohoh....yeahyeahyeahyeah

午餐去左9樓既"小南國" 食上海野....嘩, 無敵外灘風景, 好令令丫

第一餐飯....叫到一檯都係, 食唔哂, 但真係幾好味架, 消費都經濟, 大概RMB400

之後行過呢一間cake shop, 好吸引呀, 不過真係食唔落呢~