Monday, March 11, 2013

Pika


Pika, 禾的第一隻小貓, 由佢1.5個月養到而家12歲仔了, 人生既1/3都有佢伴隨, 真係唔講得笑, 命根就係咁解了 


Pika 係一隻肥肥既蘇格蘭摺耳貓, 有養貓既朋友都知道摺耳貓的天生骨骼問題, 加上佢由petshop買返家就已經感染cat flu, 細個又曾患上ringworm....身體既底子比較弱, 近年都有D小毛病要禾擔心呢.  所以從5年前Pika 7歲開始, 每一年既cny都會同佢做一次身體檢查同驗血

2012年既10月開始, Pika明顯食少左野, 十幾年來佢都係一次過清兜既 (yes, 呢個係好"狗狗"既習性), 但居然開始一餐飯分幾次食....成個貓瘦左(得返7.5kg, 全盛時有8.5+)....同佢去睇醫生, 可惜睇開診所舊既醫生全部走哂, 新黎既Vet經驗明顯唔夠, 當時根本查唔出什麼...更加同禾講 "隻貓唔係唔食, 佢食慢d, 可能係想食雞/罐頭姐...".


但係, 情況有D急轉直下....12月中開始Pika有嘔吐, 到後期差不多日日嘔, 每日好似set alarm咁係清晨5:00-6:00am就將之前一晚食既野嘔左8成出來.....體重進一步下降至6.5kg...瘦骨嶙峋咁, 但係其他野一切正常, 禾一直以為只係年齡問題, 消化力弱左....禾真係太大意了.

1月中 (6kg), 轉去另一間診所既一位老醫生驗血報告一切正常禾以為比d止嘔藥就ok, 幸好醫生有耐性主動問禾好多pika既生活習性, 以往的病歷等等, 當佢一聽到禾話Pika由細到大 腸都唔好, 一食雜D食多D 就易肚苛, 加上禾提起佢曾經幾年前膽紅素過高....佢就話有可能係肝膽出事 (blood test ALT 好令仔既) , 建議照超聲波. 一照之下, 發現pika 既肝臟表面有近10個大大小小的白影, D係纖維化既地方....係脻臟則有好多凹凸陰影, D係發炎既地方....第一次診斷結果Pika係患上脻臟炎+早期肝硬化.

醫生解釋, Pika 既膽應該比較弱 (膽小鬼:P), 不能分泌足夠既膽汁去分解蛋白質, 影響新陳代謝. 咁多年以來一食多DD, 食多2餐罐罐會肚苛就係呢個原因. 長年既overload另佢既肝臟容易輕微發炎, 炎得多就有纖維化這是一個長期病, 無得醫, 只能希望唔再加重病情, 貓貓就可以擺耐D. 但係脻臟炎就要快D醫治, 唔得拖, 會死貓架醫生開左一個星期既AD罐頭 (低脂) + 消炎藥+ 護肝藥2+黑考母.


食藥期間, Pika嘔吐情況有改善, 成個星期都係嘔2-3, 比之前日日嘔好得多. 一個星期完結復診, 一月尾再驗血再照超聲波, 脻臟炎已經受控, 發炎地方好左D. 可惜, 又有另一樣更頭痛既問題出來就係甲狀腺.


甲狀腺過高會Hyper, 過低會Depress. 正常既甲狀腺素(T4)應該係1.0-5.0  Pika6.1, 過高了, 甲狀腺亦係另一種常見既老貓病, 好似更難斷尾, 好多貓都跟一世直至走既一日. 可幸就係食藥可以控制既 (但食得藥多肝臟又有負擔), 加上Hill’s Science近年出左一隻配方糧 Y/D 都可以試下. 第二次診斷結果Pika係甲高患者, 先食一個月甲狀腺藥+ 護肝藥2+黑考母 + YD.


係一月尾到二月尾呢一個月, 仙女好乖咁唔攪活動, 唔去夜街, 亦謝絕朋友到禾家玩, 確保病貓得到好好既照顧. Pika嘔吐情況轉好, 只係嘔左3 (每次2-3), 胃口亦改善了. 體重回升.

2月尾(6.4kg)復診再驗血, Yeah, Pika T4去到正常既2.0, 真係大躍進, 醫生都好開心, 佢話估唔到12歲既貓貓可以短短一個月有進步, 佢最初都估計要一直食幾年藥呢. 醫生建議多食一個月藥+配方糧, 3月尾復診再驗血, 如果T4進一步下降就可以減藥或停藥, 依靠配方糧去控制. 坦白講, 幾個月以來拉緊既情緒係呢一刻先可以稍稍放鬆, 禾知道Pika已經跨過一關, 情況受到控制了.


2月尾到而家311, Pika只係嘔過1, 體重進一步回升 (6.6kg), 而家佢食糧差不多可以一次食哂清碟了. 禾巧開心+放心, 希望佢既狀態維持到, 唔會因為禾下星期行開幾日有影響呢.

 

係呢段日子, 仙女成個人基本上沈澱左, 思考多左, 其實禾從來都係一個好認真既人, 對貓貓對家人對朋友對工作對自己都係, 開心輕浮從來只係表面, 比外人睇架咋, 如果你睇到呢篇文章 就代表你係禾既朋友, 禾願意打開多dd 比你睇呢 (羞羞). 巧開心有一班可以比禾呻下既死黨, 有幫禾睇下 report既姊妹, 有探貓既pika, 有幫禾買8折糧既好友多謝大家.


 另外, 亦有小小照顧年老色衰老貓老狗既忠告:

~~ 年年驗身, 另你放心.   10歲過外驗血之餘最好照埋ultrasound, 因為驗血見到指數唔令仔時, 已經為時已晚. 留心醫生講野, 睇醫生之前不防markd 問題.

~~ 相信自己對於貓狗健康情況既感覺, 禾地先係日日照顧佢既人, 覺得唔妥就要馬上睇醫生, 找出physically既問題, 唔好先搵什麼AC… 雖然而家好興, 禾都有學但都係果句, 睇醫生先係step 1應該做既野, 唔好將成件事太神化, 貓狗有病好正常, 唔會咩都關情緒事.


~~
餵藥有技巧之餘, 要照顧動物既情緒. 仙女係pika生病初期一日2次既餵藥經驗中, 要幾沮喪有幾沮喪. 有貓友教路咩咩突然夾住佢塞入口, 咩咩騎住佢從後餵入…sorry禾通通唔buy…將心比己, 自己係屋企坐梳化訓下旁邊有人突擊, D野入禾口又或者係自己屋企行下散下步突然比巨人騎住又塞野入口想嚇死貓咩.

病貓知道自己病, 食藥會願意配合一下, 真係唔得就出古惑, Greenies Pill Pocket 幫到手. 佢好似一粒三文魚味既泥膠, 包住藥丸, 貓貓食左都唔知咩事, 以為自己食零食咋.











9 comments:

  1. So touching! Sin, I am really moved and glad that Pika is getting well. "其實禾從來都係一個好認真既人, 對貓貓對家人對朋友對工作對自己都係, 開心輕浮從來只係表面", totally agree, as what I have said, you are a really kind girl and considerate to people. So happy to be your friend
    [版主回覆03/17/2013 13:04:21]嘻嘻, 多謝對小PIKA既關心~

    ReplyDelete
  2. no worries, Pika will be fine very soon
    [版主回覆03/17/2013 13:04:18]嘻嘻, 多謝對小PIKA既關心~

    ReplyDelete
  3. 仙, 加油呀! PIKA有你咁耐心照顧, 一定好快好起來. 其實大家嘅貓貓年紀相差唔遠, 可能我地班貓友當中, 都會陸續聽到貓貓有事, 希望大家可以亙相支持啦. 加油呀!
    [版主回覆03/19/2013 12:11:56]Tks Clara, 禾就係想提自己先將PIKA既情況全部記錄低, 之後有類似貓貓case 有得參考一下呢.

    ReplyDelete
  4. 作為小動物的家長,實在好明白你嘅感受,小朋友唔舒服的時候做家長的真是坐立不安,見到LC孖C咩C都無晒興趣;所以每年我的生日願望都是希望身邊認識的每一位健健康康,我會為Pika祈禱!!
    Pika跳貓樹果張堅似龍貓,lovely!!
    [版主回覆03/27/2013 16:32:05]多謝你呢bee, 禾會加油架啦 :)

    ReplyDelete
  5. 謝謝你有用的建議呀!我睇完其實都好擔心同身同感受!因為我隻貓都11歲了,成日驚佢有事!雖然年紀大總會有呢日,但都係會擔心呢日幾時來!
    不過我好欣賞你從貓貓角度諗餵藥,之前貓病我都勁苦惱頹喪!
    祝貓貓們都身體健康!快快樂樂!
    [版主回覆03/28/2013 13:50:26]body check都係等主人有心理預備, touchwood講有咩發生唔會太措手不及. 安排下時間同清清check下, 安心D架.

    ReplyDelete
  6. 凡事be positive ,雖然老土d, 不過真係要!
    人同動物一樣,生老病死是必經的,有事,我地儘力去做,只希望過程大家都唔好太辛苦,對自己對貓貓要有信心,at least已經好左一半,有support係好重要的,無論點,我地都唔會孤單,因為我地有一班好好嘅朋友同家人
    [版主回覆03/28/2013 13:57:15]thank thanks, Pika哥哥好返好多了, 禾希望佢長命D 倍禾耐D

    ReplyDelete
  7. 好耐無巡blog, 依家知pika捱過了一關.

    我的貓都大了, 上個月都同b寶春叻驗晒血. 希望大家d貓都貓體安康, 精精靈靈.
    你都要保重身體, take care n be positive!!!!!!!!!!!!!!!!!!!!
    [版主回覆04/04/2013 13:45:21]b寶春叻睇相都知佢地健康精神啦, 大家一齊加油.

    ReplyDelete
  8. 仙&Pika 都要加油呀,雖然我冇養過貓貓,但覺得小動物同人一樣,都會感受到主人個愛心同照顧,佢都會好努力加油陪伴你多d時間,加油呀
    [版主回覆04/04/2013 13:45:37]多謝Feon~

    ReplyDelete
  9. 仙, 禾阿嫂娘家隻肥貓都剛驗到有糖尿病, 12歲有成20磅......仲要打糖尿針.....最大獲係阿嫂阿媽覺肥貓瘦左(糖尿病病徵) 再俾3倍份量減肥糧過肥貓食 驚肥貓唔夠飽
    阿嫂就講到
    [版主回覆04/04/2013 13:48:18]如果測到有病, 真係要跟自己信得過既醫生教既方法去做呢. 20磅貓真係太跨張了, 咩品種都係太肥了, 會影響腳仔既支撐力, 跟醫生教既方法diet一下好D呢.

    ReplyDelete