初四至初七

今個新年好快就過左只係放紅日初四就開工了, 好似都矛物休息過就開工咁呢


今年矛買什麼糕了, 朋友都見禾可憐紛紛比D糕糕接濟禾呢, 多謝哂~~

My Dearest 麻麻 Robert Ko, 爸爸矛介紹錯, robert 切成絲絲, 臘腸巧味, yummy~

皇太后Robert Ko, 皇上偏食係人都知, 皇太后糕糕當然係瘦底, 少少肥肉都矛, 可以平衡一下新年既肥膩感呢, yummy~

Moon Moon Robert Ko, 掂呀, 多料都爆, 香菇又有趙口, yummy~

今個新年亦係超超超凍, 禾覺得比落大雪既日本仲凍呢. 所以打邊邊係一班朋友既不二之選, 初四去左TST山林道既豪門火窩打邊邊....超巧味丫, 不過亦巧誇張, 7:30已經賣哂"蠔", 8:30連芝士腸都矛埋......


打邊爐當然少不了牛肉, 豪門D本地手切肥牛巧得丫, $288一碟一睇覺得貴左少少, 不過食完就知係抵既, 真係大飽口福. 另外, 亦有一系列既黑松露系列如黑松露豬肉丸、黑松露帶子雲吞、黑松露菌王餃等等。3款都巧巧味丫.

食哂甜品最開心~

    

初六又成十幾個人北上食麻辣火鍋....禾其實唔食得辣既, 不過又OK喎, 唔係太過份, D 食物都巧OK丫, 有幾款都可以ENCORE呢. 大家已經計劃再一齊去食多次了, 嘻嘻.

火鍋的鍋子是"子母鍋"，中間那小小的是白鍋，也就是清湯，外面的就是所謂"小辣"的辣鍋了. 麻香比辣味濃, 一般口味都可以接受呢

初七人日, 係龍年第一次開伙煮野, 煮比家人食, 人少少巧輕鬆咋. 禾只係用左2.5小時就整左下面既晚餐....行貨係行貨D, 不過唔巧話禾自己讚自己, 煮得巧巧味, 絕對有水準呢. 忌廉蘑菇湯, 加入少少牛肝菌, 再以黑松露油點綴, 滿口香氣.
大虎蝦帶子暖沙律,  手板咁大隻既蝦睩, 鮮甜美味

松露蘆筍芝士巴馬火腿酥, 個酥皮痴住鍚紙扣少少分, 不過勁落松露油真係大加分丫. 好彩禾爸爸巧鐘意呢d "gas" 味野....太容易處理了

煎鵝肝配酸車里子黑醋汁, 唔洗講都知好味啦

又係松露, 不過今次係白松露醬配意粉+西籣花

鵝油煎bb羊架...咬住牙買左令令羊架, 一d 都唔酥, 不用調味, 只係用煎鵝肝剩下既油煎熟佢就食得. 有羊味(重申...唔酥架), medium well 都幼幼嫩嫩.

甜品係earl grey cream brulee, 配日本士多啤利

祝禾爸爸媽媽細妹一家係龍年身體健康, 出入平安, 事事順心如意 :)

*****************************************

新年未到新十五已經發生左一d 事, 識禾既朋友會知咩事, 一段拖左大半年既膠著關係最後都要來一個了斷, 雖然有哂心理預備, 不過話唔感慨亦矛人信, 話哂都識左咁耐啦, 唉.