交功課 | 鎮江骨

之前上廖SIR堂, 交左一次LC雲吞雞功課, 大獲好評.

即刻趁記憶猶新時, 交多D功課先得.

鎮江骨, 早前學過一次, 用的材料同步驟都比例多+複雜, 今次廖SIR教既方法真係方便好多. 咁當然啦, 用多D香料步驟得出黎既成果味道係有層次好多呢. 所以禾會因應自己時間決定用邊一個方法整呢個菜呢.

************************************************
方法好簡單, 呀SIR話一字排切粒粒, 咁當然禾會買現成切好既一字排啦. 以鹽/雞粉/生粉/水 略醃30分鐘. 落水的比例就好似呢張圖咁, D肉有濕潤的感覺但唔會有多餘水份既.

下油鑊炸, 炸之前D肉要用麵粉撈一撈, 目的係等D排骨脆口之餘又KEEP到肉汁+之後掛D sauce 可以掛得好d. 落鑊炸一次, 撈起, 放係一個大前筲箕"鯨"油. 老師話要鯨走d油, 之後再回鑊炸先特別香脆架.

仙女試左2次, 1次炸之前唔撈粉, 如果即食唔撈粉係更美味既, 撈左粉反而有D油膩feel. 但係如果係凍食, 整完會雪凍再食, 就撈粉既效果好得多. 脆卜卜咁好好味.

之後, 用另一個煲煮汁, 糖(1份)+水(2份)+鎮江醋(2份)

煮滾d汁, 等佢收一收水, 比較有杰身的感覺.

將d炸好的排骨放入去, 收干汁液, d 汁有cameralize 之後會掛係D排骨上面.

制成品!

熱食又得, 凍食又得, 配麵又得, 得左~