北海渡2012

仙女 喺過去嘅一個星期去咗北海道旅行，今次只係逗留兩個城市札幌同埋登別，大把時間行街shopping非常之盡興。鄉下婆好少係冬天去旅行，因為覺得著好多衫太不方便了。今次選擇冬天去係因為一月初日本有大減價，而且因為311事件成年都冇去過日本，真係餓左好耐啊。

今次女痕係"舒適團" 日日訓到自然醒, 矛行程既, 只係book左住一晚溫泉酒店, 其他時間想去邊都得, 想食咩都得, 正因為矛行程, 居然有幾日有lunch食 (禾呢d行軍既, 為左行街一般唔食午餐架....)  食咗兩餐放題，其中一餐係好多旅行書都有介紹嘅蝦蟹合戰 。成晚係咁食蟹，最好味都係鱈場蟹，我哋每人都食咗成5大支蟹腳，巧回味呀。

另一餐就係食shabu shabu，牛肉當然係唔少得嘅主角啦。圖入邊一盒盒既牛肉我地總共食咗六盒咁多啊，抱住個肚返酒店。

另外, 去左一個fish market, 食左筷子咁長既蝦, 鮮甜都不得了既昆布味三文魚子同海膽飯, 巧味都震.

今次旅行唯一去的景點就係登別溫泉，坐巴士去溫泉酒店都係一個多鐘頭 ，有溫泉街行吓有地獄谷做景點, 正.

仲有三個主題嘅景點 : 忍者村, 熊牧場 同 海洋館....聽個名都知流過流嘉玲, 禾地只係去左海洋館...因為呢d 咁可愛既企鵝仔, cute cute.

有一隻大企鵝係禾地面前好似圖中咁, 係咁"睩", "睩"左成分鐘...原來..佢出黎開大架...dirty

去登別個一日我哋著得最多衫，以為非常之凍，點知都OK喎，去到登別溫泉都係下晝兩點幾settle down之後呢我哋就去咗行街同埋食lunch 。炭燒生蠔非常之鮮甜美味，帶子大隻到不得了，即燒即食yummy yummy! 之後加多一個三文魚子飯同埋海鮮湯飽晒！

有一日去左小樽, 想影下雪中既小樽運河...頂....果日巧大雪, 落足成個下午, d雪厚到行動不便, 禾sin跌左2次 :(    去到運河居然係咁既...一d 都唔令, 激死死.

點都要食下TeTao既cake set既, 休息一下再出去同d雪地死過.

聽日出shopping篇, 嘻嘻.